O xoves 5 de abril ás 20.30 h no Museo do Mar de Laxe, terá lugar un taller de comercio electrónico e fidelización de clientes. A actividade, de dúas horas de duración, está organizada pola Concellería de Comercio de Laxe en colaboración coa Federación Galega de Comercio. Trátase dun taller dirixido a emprendedores e autónomos, no que se darán a coñecer aspectos relacionados co negocio e o consumidor tales coma normativa de consumo, axudas, novas tecnoloxías, comercio electrónico, e fidelización da clientela, entre outros. Non obstante, tamén poderá participar calquera persoa interesada na temática. A actividade formativa contará coa dirección de persoal técnico con dilatada experiencia profesional e formativa nos temas a tratar. O taller trata de botar unha man ao comercio local, que debe aproveitar ó máximo as posibilidades e atributos que lle son propios, coma a cercanía, ou o trato personalizado. E aí, dende o Concello consideran necesario unir forzas cos empresarios, autónomos e comerciantes para darlle vida ao pequeno comercio, para darlle luz e vida a Laxe,  

Novas relacionadas

• “Con X de Peixe”, o novo escudo de Laxe.
• 2018, o ano da recuperación do Arquivo Fotográfico Vidal.
• O viño, o gran protagonista do mes de marzo no programa laxeiro Reláxese.

Fonte

• Redacción de QPC ([email protected]).