Con infalibles as rutas de pinchos na comarca, como cada proposta gastronómica. Por iso dende a Concellería de Comercio, Hostalería e Turismo de Laxe xa teñen todo listo para a II Ruta de Pinchos do Outono que se desenvolve en 11 establecementos da vila durante esta fin de semana de sábado 18 e domingo 19 de novembro.

Deste xeito, estes días toca pasarmos a probar as tapas dos Mar de Fondo, O Bocho, Cervecería de Laxe, Áncora, O Recodo de Antía, Zurich, O Escaravello, A Diario, O Reino de Loki, O Ben Me Sabe, Villa de Laxe. Os pinchos custarán 1,5€ e estarán dispoñibles o sábado 18 pola mañán de 12.00 a 15.00 h, e pola tarde de 20.00 a 23.00 h, e o domingo 19 pola mañán de 12.00 a 15.00.

Para acompañar a ruta de pinchos circulará o Tren Turístico durante as mañás. Haberá animación musical a cargo da Banda de Gaitas Maruxía, Pandereteiras Pandora e Batukada Trikitrakes.

Concurso

Son 8 os establecimentos que entrar a participar nun Concurso, optando ao 1º, 2º e 3º galardón do xurado profesional formado por Óscar Souto Ures, xerente-cociñeiro do Restaurante A Cunca (Buño) e Marisol Martínez Mato, cociñeira do Restaurante Mar de Ardora (Cabana de Bergantiños). Tamén haberá un galardón especial ao mellor pincho que outorgará o público.

Os que manden os seus votos, cubrindo unha ficha que estará en cada bar e cubrindo polo menos 6 pinchos diferentes (co seu selo), entrarán no sorteo de tres vales de compra no comercio e hostalería locais, por importe de 100, 75 e 25 euros.

O sorteo de agasallos para o público e a entrega de galardóns ós negocios celebrarase o domingo 19 ás 20.00 horas no Polideportivo Municipal, no marco da celebración do tradicional Magosto Popular.

Fonte

• Laxe.