Nova visita institucional do presidente de Portos de Galicia, José Juan Durán, ao porto de Laxe. Pero non era para solucionar o tema dos áridos, non. Era para visitar as obras de mellora dunha das ramplas da parte seca da rampla do carro-varadoiro,.

A citada instalación atópase na actualidade en condicións aceptables, mais resulta necesario dotala dun mallazo embaixo do pavimento de formigón, concretamente na zona onde irán os novos raís do carro-varadoiro, para reforzar a súa superficie e garantir a súa máxima funcionalidade. Ademais levarase a cabo unha rectificación da pendente da mesma, unificándoa coa parte inferior.

Portos de Galicia, ente adscrito á Consellería de Medio Rural e do Mar, destinará un investimento de 45.000 euros para as citadas melloras. As obras que se realizarán na parte seca levaranse a cabo despois de que Portos de Galicia xa realizara en 2011 unha actuación co obxectivo de acondicionar a rampla na súa parte somerxida, que era a que se atopaba en peores condicións. Rematada esa intervención, comprobouse que resultaba necesario acometer reparacións na parte seca da mesma. Os traballos de acondicionamento farán necesario demoler o pavimento actual e pavimentar de novo en formigón para conseguir mellorar as condicións técnicas da instalación.

Por outra banda, Portos de Galicia aproveitará esta a actuación no porto de Laxe para realizar o pintado de tres pasos de cebra que discorren por dominio público portuario, reforzando así a seguridade viaria no entorno portuario.

Novas relacionadas

• A praia de Laxe, a única praia da Costa da Morte coa Q de Calidade.
• O alcalde de Laxe pon no tellado da Xunta o problema cos áridos.

Fonte

• Portos de Galicia.