Xoves. 14.11.2019
El tiempo

Solución temporal ao problema da area de Laxe

Solución temporal ao problema da area de Laxe

Portos de Galicia vén de retirar máis de 3.000 metros cúbicos de area das instalacións portuarias e o paseo marítimo do concello de Laxe. Unha acción que a Xunta vén realizando dende hai máis de 20 anos, pero que non pasa de ser unha soución temporal a un problema de gran calado.

I é que ano tras ano, a Xunta realiza unha extración de area (se cadra esta é algo máis grande). Pero ano tras ano o problema segue sendo unha realidade. Segundo varios expertos da zona a solución sería un dique na zona da Besugueira, unha solución demasiado cara para as arcas públicas.

Por iso, canda ano Portos de Galicia fai unha acción semellante. O seu presidente Durán Hermida explicou que a actuación desenvolvida consistiu na simple recollida da area descarnada da praia polo vento e desprazada a parte das instalacións portuarias e o casco urbano de Laxe. Actualmente esta area está a ser transportada preto de 4 quilómetros ao sur, ata o outro extremo da praia onde é depositada para uniformizar o areal. Nesta actuación o ente público investiu algo máis de 12.000 euros.

Asegurou que esta actuación terá continuidade por parte de Costas do Estado en virtude dun acordo entre ambas administracións e o Concello. Así, o organismo dependente do Ministerio de Medio Ambiente o que tomará o relevo dos traballo, para continuar co alineamento da praia. Posteriormente procederá á implantación da vexetación que anclará as dunas.
Ademais, na súa visita a Laxe, o presidente de Portos anunciou que nos vindeiros días terá lugar a convocatoria da mesa técnica que o ente público ten constituído, con participación tamén de Costas e o Concello, para avaliar as posibilidades técnicas de modificación das instalacións portuarias coa fin de minimizar a alteración da dinámica litoral.

Novas relacionadas

Fonte

Comentarios