Do 12 ao 15 de agosto a artesanía será a gran protagonista en Buño. A XXXVII Edición da Mostra de Olería de Buño devólvelle o protagonismo á artesanía despois dunha pasada edición onde compartía cartel coa música. Os postos de venda, as exposicións permanentes no parque Luciano García Alén e as demostracións co torno serán os grandes epicentros da programación.

Así o debullaron onte Forno dos Mouróns unha comitiva comandada polo alcalde, Walter Pardo; xunto á concelleira de Cultura e Olaría, Leticia Varela; o concelleiro de Deportes, Miguel Varela; o edil de Turismo, Alfredo Cañizo e varios membros da Asociación Oleira.

Si que haberá pasarrúas das asociacións culturais municipais, e haberá un par de actividades nas que a muller oleira será o centro, como a exposiciñon “Sen elas non hai olería”, a charla coloquio “Alfarería e a muller”, ou o espazo expositivo das xa coñecidas Zoquiñas Vermellas.
Tamén haberá espectáculos para a rapazada con maxia, xogos tradicionais e obradoiros adaptados ás súas idades.

O cartel está baseado nunha ilustración de Leandro Lamas, un pintor e ilustrador de Neda, que fixo a súa primeira exposición no ano 1998. A súa idea foi empregar as cores tradicionais da cerámica de Buño e a muller como protagonista, representada dando forma a unha peza.

Novas relacionadas

• María Barca: “Gustaríame que "Buño de seu" fose un graniño máis de cara á posta en valor dunha artesanía que non ten nada que envexar ao arte con maiúsculas”:
• Xullo 21: Un verán de obradoiros no Ecomuseo Forno do Forte de Buño.
• Maio 21: As Zoquiñas Vermellas de Buño levan o feminismo aos centros de ensino.
• Decembro 20: A remusealización do Forno do Forte convertirao no gran museo galego da olería.
• Outubro 20: O Forno do Forte acolleu o primeiro “cumio” oleiro entre Malpica e Oleiros.
• Mostra 20: O Buño deMostra dalle vida oleira a espazos singulares.
• Xuño 21: O segundo Faladoiro de Barro afondou nas perspectivas de futuro da Olería de Buño.
• Xaneiro 20: As Costas da Morte en FITUR (VI): A Olería de Buño non faltou.
• Mostra 2019: Mostra 2019: Gastronomía e música maridan de luxo coa Olería de Buño.