Punto neurálxico de Nadal o mercado de abastos de Malpica. Ademais do mercado de artesanía, dende esta fin de semana e durante un mes, o espazo acolle a exposición Galería Vinte Vinte. Unha exposición de fotos realizadas durante o confinamento que serviron para que a rede nos unise un pouco máis.

Á inauguración acudiron o alcalde, Walter Pardo, a concelleira de Cultura, Leticia Varela, o concelleiro de Obras, José Ángel Garrido, o concelleiro de Deportes, Miguel Varela, e algunhas das persoas autoras destas instantáneas. Durante o evento, levouse a cabo a entrega de premios ás persoas gañadoras deste concurso e que, a continuación, se numeran:

• “Tormenta no mar” de Sara Tasende (categoría persoas adultas).
• “A nova normalidade” de Paula Anido (categoría xuvenil).
• “Tempo de calma” de Antonio Varela (categoría persoas adultas).
• “Amencer no porto” de Marisol Nieto (categoría persoas adultas).
• “Incerto” de José Manuel Rodríguez (categoría persoas adultas).
• “Cerqueda desde a xanela” de Raquel Bello (categoría persoas adultas).