Este venres 16 de setembro, ás 21:30h na impresionante contorna da Ermida do Santo Hadrián, a compañía costeira Aantena celebrará a última sesión das súas representacións teatrais sobre os “Naufraxios da Costa da Morte”. A cita, que foi adiada no seu día polo mal tempo, desenvolverase este venres pechando así un ciclo de máis dunha ducia de eventos por espazos simbólicos da comarca.

Os creadores teatrais, da compañía aAntena, achegaranos as historias de Naufraxios a Malpica para dar a coñecer a cultura inmaterial da Costa da Morte a través das historias dos naufraxios que forman parte da historia e do imaxinario colectivo da comarca.
Unha oportundade única descubrir como os naufraxios afectaron as vidas humanas e á historia da navegación; que vencellaron culturas, mitos e lendas.

Rutas

   Ademais, a compañía segue a organizar rutas guiadas pola zona camariñá. Quedan estas dúias semanas (do 12 ao 16 e do 19 ao 23 de setembro), para disfrutar da Ruta Sur, unha Ruta circular con inicio e fin na punta da Barca para ollar os restos do naufraxio petrificados da Virxe da Barca para percorrer a costa polos cabos de Touriñán, Fisterra e Cee e acadar a praia do Ézaro para coñecer historias como a Flotilla de Padilla, os barcos como o Sunrise e o Great Liverpool. Ten paradas en: Punta da Barca, Faro de Cabo Touriñán, Faro de Fisterra, Faro de Cabo de Cee, Praia de Gures e Ézaro.

Para participarn nestas rutas (teñen un custe de 20 euros) hai dous puntos de encontro (Porto de Camariñas ou Porto de Laxe), arrincan ás 10:00h e duran 4 horas. Vaise en furgoneta de 9 plazas para o recorrido. Visita con guía especializado. Compre reservar en www.naufraxios.com.

NOVAS RELACIONADAS

• Agosto 22: As funcións dos naufraxios "retratan a historia e idiosincrasia das xentes de Costa da Morte”.
• Agosto 22: aAntena leva as súas representacións dos naufraxios a 12 espazos singulares da Costa da Morte.
• Setembro 21: O Ézaro e Quenxe acollen as primeiras representacións teatrais sobre naufraxios de aAntena.
• Setembro 21: aAntena recupera a historia dos nosos Naufraxios da Fin da Terra.
• Agosto 21: Volven as pantasmas das Noites dos Naufraxios no Cemiterio dos Ingleses .
• Agosto 21: Volven ás Noites de Naufraxios ao Cemiterio dos Ingleses.
• Novembro 2020: Aantena conseguiu levar o noso patrimonio invisible a Fisterra.
• Agosto 2020: As historias dos naufraxios de Aantena chegan ata Bergantiños