O  curso de actualización comercial está composto por tres módulos que se impartirán ata o día 23 Quince empresarias e/ou traballadoras do sector do comercio participan no curso de actualización Comercial organizado polo concello de Malpica, a través da concellería de Promoción Económica, coa colaboración da Deputación Provincial da Coruña. Nesta acción formativa, que se desenvolverá ata o día 23, as persoas asistentes recibirán as claves para mellorar a súa estratexia comercial e actualizar os seus negocios. O curso está composto por tres módulos. O primeiro, destinado á propia tenda - distribución do mobiliario, implantación do produto e imaxe de marca -; o segundo, ao escaparatismo - realización de escaparates: montaxe, elementos decorativos e color -, e o terceiro módulo está dirixido á clientela - como fidelizar e captar novos clientes, debilidades e fortalezas da nosa tenda e como actualizala -. A formación impártese de luns a xoves, de 20:30 a 22:30 horas, no centro Cívico de Malpica. O obxectivo é que a aprendizaxe poida poñerse en práctica na próxima campaña de Nadal, xa que o curso inclúe unha parte de formación teórica e outra práctica, de escaparatismo, que selevará a cabo na propia tenda. Ao remate entregarase un diploma de asistencia. Novas relacionadas

• Último día para anotarse no curso de actualización comercial de Malpica
• Malpica actualiza o seu comercio de cara ao Nadal

Fonte

• Redacción QPC ([email protected])
• Concello de Malpica