A estatua da “Balea” foi o mellor escenario para presentar a segunda edición do BALEAFEST, un festival que se vai celebrar o vindeiro sábado 29 de xullo.

Esta segunda edición trae novidades xa que haberá Sesión Vermú. Dende as 13.00 horas actuarán “Os Mecánicos” e ás 15.00 horas será a queda de “Os Revenidos”.
A sesión de noite comezará ás 22.00 horas coa actuación de “Manquiña e os Fabulosos Weekend” e ás 00.00 horas, contaremos coa actuación de “Calle del Ruído”.
No evento tamén colabora a Confraría de Pescadores de Malpica e é totalmente de balde.

Desde o Concello e a asociación Campal animan a todo o mundo a achegarse a gozar da boa música.