Centos de persoas disfrutaron esta fin de semana dunha das citas gastronómicas máis singulares da comarca. A XXII Festa do Bolo do Pote arrincaba ademais dun xeito inmellorable, ca entrada do maxestuoso Exército dos Panos facendo o seu derradeiro desfile destre entroido polas rúas da Picota. Xa na praza os entruideiros de Arcos fixeron as súas bromas, a súa música e os seus bailes tradicionais.

Mentres na Carpa as Amas de Casa, despois de prepararlle o bolo do pote para o Caldo de Gloria á Casa de Rosalía e a Asociación Veciñal Monte Picoto, tiñan todo listo para comezar a servir as máis de 2.000 racións deste manxar tradicional que se acabaron consumindo.

Así, a degustación convertiuse nunha auténtica peregrinación para conseguir o prato do tesouro. A presidenta da Asociación Amas de Casa-El Hórreo destacou o número de racións “cocemos 1000 bolos e practicamente rematamos as existencias”. “A importancia do bolo do pote é, ademais do que aporta ao Concello, a recuperación dun prato tradicional que estaba perdido”, concluíu.

Pola súa parte, o alcalde, Juan José Blanco mostrouse “satisfeito” pois, “pese ás malas prediccións meteorolóxicas volveuse encher a carpa”. O rexedor quixo subliñar o “traballo do asociacionismo e os hostaleiros que manteñen con vida e futuro esta celebración”.

Porque intrínseca desta festa xa son os hostaleiros, que durante toda a fin de semana serven os seus menús especiais da ocasión. Opresidente da Asociación de Hostaleiros, Jorje Jurjo, destacou a “boa nova que supuxo que, nesta edición se sumasen por primeira vez locais de fóra da Picota” e tamén o “alto número de reservas nos locais”.

Novas relacionadas

• Mazaricos, do Cocido de Rosalía á festa do Bolo do Pote.
• O Exército de Panos ao completo recupera o verdadeiro Entruido de Mazaricos.
• Bolo do Pote: 2019: O Bolo do Pote de Mazaricos quitoulle o frío a máis de 2000 persoas.
• Bolo do Pote 2018: Máis xente que nunca para zampar as 2.000 racións da Festa do Bolo do Pote.
• Bolo do Pote 2017: A tradición e a troula mesturáronse na Festa do Bolo do Pote de Mazaricos.
• Bolo do Pote 2016: 2000 racións de tradición gastronómica na Festa do Bolo do Pote de Mazaricos.