Nova detención anunciada pola Garda Civil na comarca relacionada cos lumes. Neste caso, o Servizo de Protección da Natureza (Seprona) de Corcubión detivo a un home, un veciño de Mazaricos, como presunto autor dun incendio forestal acontecido o 6 de agosto na localidade de Prudenza, no concello de Zas. O incendio volveu producirse o 9 de agosto debido ás condicións meteorolóxicas da zona.

Os axentes da Garda Civil determinaron que o lume nacera duns traballos agrícolas con maquinaria na leira onde os investigadores localizaran o punto de inicio do incendio.
Unha vez localizada a maquinaria utilizada para o incendio, realizaron unha inspección visual, confirmando que carecía de elementos de retención de faíscas esixidos pola lexislación vixente para a prevención e defensa contra os incendios forestais.
Unha vez coñecida a identidade do presunto autor, a Garda Civil detívoo como presunto autor dun delito de incendio forestal por neglixencia grave.
O detido, xunto coas actuacións practicadas, foi posto a disposición do Xulgado de Primeira Instancia de Corcubión.

Máis detencións