• Última hora: Por mor das previsións meteorolóxicas, trasládanse as actividades ao pavillón municipal.

Na maior parte da Costa da Morte fálase de "entruido" desafiando á normativa da Real Academia Galega. Así que unha marea de xente, #EuSonMazaricos, a Asociación de Amas de Casa, os Cabaleiros da Fervenza, os Gandeiros de Mazaricos e a Asociación de Hosteleiros, xuntáronse, da man do Concello para organizar unha auténtica festa de "entruido" implicando a unha boa parte das asociacións, panadarías e establecementos hosteleiros do municipio. O sábado de "entruido", o 6 de febreiro, será o día grande. A festa comeza ás 16:30 horas cun pasarrúas que partirá do campo da feira da Picota. Un amplo séquito de "entruideiros de Arcos" e de "Vaquiñas" acompañarán á charanga "Os Jaláticos" que será a encargada de amenizar a festa. Todos xuntos farán o recorrido pola Picota, subindo pola Avenida 13 de Abril, pasando polo Centro Médico e voltando para a Praza da Feira onde lles agardará a todos os disfrazados unha carpa cunha merendola. Ademais da música, os membros da asociación #EuSonMazaricos terá preparados inchables e xogos populares. Tampouco faltarán os doces típicos desta época que elaborarán as panaderías do municipio e que se repartirán entre os "entruideiros". Ademais, disfrazarán e pintaranlle a cara a máis de unha centena de nenos e nenas dos colexios de Mazaricos. En Mazaricos - e no resto da comarca - é imposible concebir o entroido sen lacón, grelos, orellas, filloas, e outros manxares que ofrecerán en pinchos os bares, parrilladas e restaurantes da vila, gracias á colaboración dos hostaleiros da Picota. Para seguir coa sátira propia do carnaval, o domingo 7 de febreiro, haberá un espectáculo cómico de teatro "Fair Play" na casa da Cultura da Picota. A cita, que está dirixida a todos os públicos, comeza ás 17 horas.   Máis novas sobre #EuSonMazaricos

• Brindando con leite e en autobús por un 2016 mellor
• Máis de 50 fotos entran no concurso fotográfico da Semana Gandeira de Mazaricos
• “Na semana gandeira de Mazaricos participamos todos”
• Mazaricos prepara a súa semana máis gandeira
• El@s son Mazaricos: “Queremos que a MZ se coñeza en toda Galicia”

O entroido na Costa da Morte

• Rock xalleiro para o Entroido de Santa Comba
• Un Entroido de Inspección Turística por Carnota
• Muxía preparase para vivir o entroido
• Vimianzo prepárase para o desfile de entroido
• Obradoiros, concursos e filloas protagonizan o entroido de Zas
• Adro prepara o Festival de Entroido cunha gran cea-baile
• O concurso de disfraces de Cee repartirá 4.500€ en premios
• Un entroido de cervexa e artesanía en Santa Comba
• Un Entroido de Baile, filloas e sardiña en Camariñas
• Carnota prepara un certame de Regueifas para satirizar o entroido
• Fisterra xa ten o seu programa de Entroido
• Fisterra decide pasar o seu famoso Martes de Entroido para o sábado
• A Mikaela de Buño, a raíña do Entroido da Costa da Morte

Fonte

• Redacción QPC ([email protected])
• EuSonMazaricos