Seguen chegándonos sucesos dende a Garda Civil da zona. Hai unha semanas viamos como un detido por roubar en dúas igrexas, e onte, Axentes da Garda Civil de Muros detiveron a un veciño de Noia, de 27 anos, como presunto autor dun roubo con forza nunha cervecería da localidade de Esteiro, en Muros.

Ao redor das 01:50h da pasada madrugada disparouse a alarma do citado local e acudiu unha patrulla do instituto armado que localizou ao agora detido nas inmediacións. O home, con numerosos antecedentes por feitos similares, foi sorprendido con 183 euros procedentes do cajetín da máquina comecartos e con outros efectos que logrou subtraer no asalto ao local.

Os feitos foron postos en coñecemento do Xulgado de Muros.

Novas relacionadas

• Un veciño de Vimianzo simula un roubo de 70.000€ na súa empresa para cobrar o seguro.
• Un detido por roubar en dúas igrexas e outro por intentar cobrar un cheque roubado.
• 3 furtivos de Fisterra escapan trala incautación de 107 quilos de ameixa na Langosteira.
• A FRUGA critica as excusas de bancos e da Xunta ante o fraude forestal.

Fonte

• Nota de prensa da Garda Civil.