Venres. 19.07.2024
El tiempo

Muros fachendea do seu patrimonio mariñeiro tradicional

Dornas do MUros Mira ao Mar
15 embarcacións tradicionais lucirán por Muros
Muros fachendea do seu patrimonio mariñeiro tradicional

Xa debullamos o programa completo das  XIX Xornadas de Cultura Mariñeira “Muros Mira ao Mar” 2024, que farán que a vila muradá faga unha viaxe pola súa historia.

Pero hoxe, da man da Asociación Cultural “Mar de Muros”, queremos poñer o foco no patrimonio tradicional mariñeiro que ten a vila. A entidade conseguiu reunir unha mostra a flote de 15 embarcacións tradicionais, de diferentes tipoloxías representativas das nosas costas, desde as Rías Altas ata as Rías Baixas.

Asociacion Muros Mira ao Mar
Charlas abertas sobre a tradición mariñeira

Co fin de poder gozar deste patrimonio vivo, levaranse a cabo unha serie de actividades como xornadas de navegación tradicional ou visitas guiadas ás embarcacións e á Mariña Tradicional de Muros- Mardevelas. A primeira destas visitas terá lugar hoxe venres ás 6 da tarde; o lugar para inscribirse é no punto de encontro da mariña, no porto de Muros. Igualmente, durante o sábado e domingo haberá visitas no seguinte horario: 10:30, 12:00, 17:30, 19:00 e 20:30. As visitas son de balde.

Hoxe pola tarde, ademais de poder ver navegar este noso patrimonio marítimo pola abra de Muros, terá lugar, ás 20:00, o tradicional izado de velas inaugural.

Estas actividades forman parte da programación anual de Culturmar (Federación Galega pola Cultura Marítima e Fluvial) e están apoiadas polo Concello de Muros e subvencionadas pola Deputación da Coruña.

Muros engalanado
O casco vello está engalado do século XIX

Máis info

Comentarios