Unha xornada ambiental para eliminar a flora exótica invasora da Lagoa de Louro
É un tema, o das invasoras, moi polémico e con moi pouca atención mediática. Pero lugares cunha natureza tan peculiar coma estes merecen un coidado especial.
Falamos da Lagoa de Louro, onde a ADEGA convoca unha actividade de voluntariado ambiental que se celebrará o sábado 18 de xullo. A ornada de eliminación de flora exótica invasora realizarase nun lugar de importante valor ecolóxico como é a Lagoa de Louro (Muros) que forman parte do LIC Monte e Lagoa de Louro.
A xornada faise no marco do convenio asinado en 2015 por ADEGA coa Dirección Xeral de Conservación da Natureza para desenvolver un programa de educación, divulgación e voluntariado ambiental que contempla actuacións centradas na conservación de especies e hábitats na xeografía galega e na loita contra as especies exóticas invasoras.
Inscrición
As prazas son limitadas polo que é preciso inscribirse no correo: pacobanhobre@adega.gal, ou nos seguintes números de tlf: 981 57 00 99 / 619 672 038.
Novas relacionadas
- Recunchos da Costa: A praia de Louro, o Monte Louro e a lagoa das Xarfas.
