A RCP (Reanimación Cardio Pulmonar) é algo que debería saber todo o mundo. E nesa tesitura situouse o CEIP de Vilarmide-Eduardo Noya (Muxía), que este pasado venres puxo ao o alumnado de 3º-4º-5º e 6º a aprender esta actividade fundamental. "Coas túas mans podes salvar vidas" (os de E. Infantil e 1º ciclo xa o fixeran a semana pasada de forma máis lúdica), un xeito de aprender a salvar vidas. 

O alumnado participou nun tipo de "clases" que non se adoitan a dar nos colexios, e neste caso  foi organizada pola ANPA "O Castro", coa colaboración desinteresada de Raquel Blanco e Montse Casais (enfermeiras). Os nen@s aprenderon o que deben facer no caso de que alguén sufra un desmaio ou unha parada cardio respiratoria. Non foi só unha clase teórica, senón que tod@s, con Monse e Raquel de voluntarias, colocaronas como hai que facelo con unha persoa incosciente, en posición lateral de seguridade. Fixeron masaxes RCP (Reanimación Cardio Pulmonar) cun boneco e coñeceron a manobra de Heimlich en caso de atragantamento.

Antes de marchar Montse e Raquel firmaron no libro de visitas e recibiron uns agasallos por parte da ANPA e a bandexa do Lobo Toxiño, mascota do colexio. A actividade foi tan interesante que xa prometeron volver o curso que vén.