As obras do Santuario da Virxe da Barca quedan en mans da Igrexa
Máis de 4 meses dende aquel fatídico día de Nadal no que un raio prendía o Santuario da Virxe da Barca por Nadal. E tras moitas reflexións, a Consellería de Medio Ambiente vén de trasladar a autorización para as obras de rehabilitación do Santuario da Virxe da Barca, resolvendo o outorgamento da autorización solicitada polo Arcebispado de Santiago de Compostela nun prazo de 15 días. I é que a Igrexa xa se comprometera a asumir integramente o custe da rehabilitación.
Deste xeito, as obras de rehabilitación deberán respectar o volume edificable preexistente e a composición volumétrica orixinal, sen supoñer aumento de volume respecto ao estado anterior.
Procederase á instalación dunha nova cuberta da nave principal e cruceiros, unha vez reparadas as bóvedas afectadas polo incendio. A nave principal leva unha cuberta con estrutura de madeira a dúas augas e rematada con lousa, e a parte da sancristía igual pero a tres augas. Construirase tamén un forxado intermedio de madeira na zona da sancristía, así como limparase e repararanse todos os paramentos verticais de cachotería e os horizontais con madeira e pedra na sancristía e nos teitos con morteiro de cal.
Interiormente os muros remataranse con morteiro de cal como estaban anteriormente, incluso na parte traseira do retablo principal. Tamén se fará a restauración total da tribuna con reposición do entaboado do pavimento e limpeza do resto, e repararase o comungatorio e o pavimento de mármore do presbiterio.
A carpintería das fiestras de bronce se restaurarán deixando ventilación natural, o resto da carpintería será de madeira pintada.
Artigos sobre o incendio do Santuario da Virxe da Barca
- Viki Rivadulla: A Barca, a pedra e o futuro.
- Luchy Castro: “A Barca, unha Seña de Identidade muxiá”.
- Viki Berre: “Que a Barca nos leve a alma, pero non o sentido común”:
- Manuel Vilar: A Barca: reflexións sobre unha xeografía simbólica.
- Lema Suárez: Reflexións sobre o incencio do Santuario da Barca de Muxía.
- 31-03-14: Os técnicos propoñen situar a Pedra de Abalar no lugar idóneo para que volva moverse.
- 08-01-14: A Igrexa asumirá integramente o custe da rehabilitación do Santuario da Barca mentres a Xunta adxudica xa o proxecto.
- 30-12-13: Os bombeiros critican a falta de recursos pero louban a labor de Protección Civil no incendio da Barca.
- 27-12-13: A imaxe da Virxe da Barca está a salvo pero os gastos da rehabilitación rozarán o millón de euros.
- 27-12-13: Da repercusión do incendio do Santuario da Virxe da Barca.
- 25-12-13: Un raio incendia o Santuario da Virxe da Barca por Nadal.
- Redacción de QPC (info@quepasanacosta.gal).
