Voltamos coa política das primeiras pedras tan manida na Costa da Morte na época do Bipartito. Esta mañá de martes 13 de setembro deron comezo (como prometeran o pasado mes de xuño) as obras do Parador de Muxía, esta infraestrutura turística que parece que fará olvidar a crise na Costa da Morte.

Con 8 anos de retraso tras ser prometido como contrapartida pola desfeita do Prestige, o Goberno Central aprobou o investimento de 25,7 millóns de euros, un 25% máis baixo que o aprobado inicialmente. A obra ten 36 meses de prazo de execución polo que o Parador non estará operativo ata setembro de 2014. Daquela será o 3º da provincia coruñesa e o 12º en Galicia.

O edificio ocupará nada menos que 128.000m2 da fermosa e virxe zona de Lourido. Contará con 90 habitacións dobles, spa-talasoterapia, piscina exterior, aparcamento cuberto e xardíns, entre outros equipamentos.

Sesión política

A "pedra" servíu ademais para que os medios estatais preguntase ao ministro de Industria, Turismo e Comercio, Miguel Sebastián, pola súa aparición ou non nas listas do PSOE para o 20N. Sebastián estivo arroupado por moitos compañeiros de partido, como o Ministro de Xustiza, Francisco Caamaño, o alcalde de Muxía, Félix Porto e o subdelegado do Goberno en Galicia, José Manuel Pose Mesura.
Tan só a nova delegada territorial da Xunta, Belén do Campo, participou en nome do PP.

Caamaño referiuse á "resistencia do pobo da Costa da Morte como a da súa paisaxe", lembrando a época do Prestige, e semella que tamén a "lei do retraso" que sufrimos neste recuncho do mundo. Porto, pola súa parte valorou este día como "unha viaxe sen retorno cara o turismo, o lecer e a cultura como industria do futuro na Costa da Morte".

Novas relacionadas

15-06-11:
• O Parador de Muxía comezará a construirse en setembro.
• 16-05-11: Dous Ministros visitan a zona do Parador.
• 06-05-11: Aprobados 25 millóns de euros para o Parador de Muxía que será unha realidade en 3 anos.
• 15-04-11: O BNG pregunta polo Parador.
• 20-09-10: Presentado oficialmente o Parador de Lourido.
• 25-01-10: As dúas e distintas vitorias sobre o Parador.
• 22-01-10: A Xunta aproveita aproveita a Fitur para anunciar o desbloqueo do Parador.
• 13-12-09: Fin de ano Parado.
• 13-11-09: O Parador terá que esperar.
• 02-11-09: Cruce de responsabilidades en torno ao Parador de Muxía.
• 30-10-09: O PP afirma que o Parador está parado dende Madrid por irregularidades no concurso.
• 09-09-2009: O Parador apelídase Penela.
• 29-04-2008: Sae a concurso o anteproxecto do edificio do Parador de Muxía.
• O recuncho da Costa (LXXII): A praia de Lourido.

Fonte

• Redacción de QPC ([email protected]).