O Concello de Muxía, vén de lanzar a oferta dun campamento urbano para o mes de agosto baixo o título “De Igual a Igual. Muxía, un verán mimadriña querida”. O campamento contará con multitude de actividades novedosas que fomentan a conciliación e a igualdade de xénero desde unha perspectiva lúdica, creativa e motivadora.

As actividades desenvolveranse en horario de 10 ata as 14 horas en dúas quendas: desde o día 1 ao 14 de agosto para os nenos e nenas de9 a 12 anos e do 19 ao 30 para os de 6 a 9 anos. O gran número de inscritos demostra o interese neste tipo de actividades no noso concello, xa que en cada unha das franxas de idade se cubriu o número total das 30 prazas ofertadas.

Desde o primeiro día de campamento estará operativo un blog: http//campamentodemuxia.wordpress.com/ no que se irá dando conta do desenvolvemento das actividades.

Novas relacionadas

• Programa de Verán: Menudo verán que espera en Muxía.
• Contos muxiáns para durmir: “Fuco e a cova misteriosa”.

Fonte

• Concello de Muxía.