O Concello de Muxía pon en marcha o Programa de Dinamización Lingüística "Con X de Muxía", Subvencionado pola Xunta de Galicia, para a promoción do uso do galego en diferentes ámbitos. O programa comeza coa actividade “O Camiño, en galego II”, que consiste na edición e distribución de manteis individuais para uso de restaurantes.

Nestes manteis aparece un mapa co percorrido do Camiño Xacobeo polo concello, cos nomes dos topónimos galegos e uns puntos de interese turístico. Ao mesmo tempo, na marxe do mantel aparecen de forma moi gráfica unhas palabras en galego para desenvolverse na hostalería. Deste xeito promociónase a un tempo o uso do galego e os recursos turísticos do municipio.

Esta actividade xa se levou a cabo no ano 2012 e é amplamente demandada polo colectivo de hostelería.

Máis dinamización

Por outra banda, o Programa de Dinamización Lingüística do Condello de Muxía continuará nos vindeiros meses cunha campaña de animación á lectura en galego, editando uns marcapáxinas con ilustracións de pintores afincados en Muxía que poderán conseguirse ao facer uso da biblioteca municipal e do servizo de préstamo, e tamén se levará a cabo a terceira edición do consurso "Durmo... se me contas un conto”.

Novas relacionadas

• Muxía vive o Camiño en galego.
• Muxía durme se lle contas un conto.

Fonte

• Concello de Muxía.