Luns. 29.11.2021
El tiempo

O pobo de Muxía xa se viste de mar

O pobo de Muxía xa se viste de mar

Xa é unha das citas de referencia do pobo de Muxía. Tralas Festas da Barca, probablemente as festas máis grandes da Costa da Morte, o Mercado das Rutas do Mar de Muxía, con tan só 6 anos de existencia, xa é a festa na que o pobo se involucra con máis atención. Algo que fai que a festa colla un efecto especial, que cada visitante a disfrute como auténtica.

A vila enteira xa ten as redes, as nasas, os aparellos... e o tremendo de barco que vixia a vila. Todo para trasladarnos a un mercado mariñeiro de dous séculos atrás.

Esta é unha mostra do que aconteceu no 2010.

Programa

Serán dous días completos de troula. Ademais de disfrutar da vila engalada con redes, nasas, aparellos... as actividades comezarán ás 12:00h e non pararán ata entrada a noite. Haberá pasarrúas gaiteiros ao longo do día, haberá un interesante obradoiros de destilación, haberá teatro de rúa e malabares con Xarop de Canya; Tonitón traerá a nota circense e o Fauno, xa un clásico desta clase de festas históricas como o Mercado Medieval de Corcubión, meterá medo a todo o que pasee por alí...

Unha das citas máis singulares será a Noite do Prácido Luar, que a Fundación Eduardo Pondal e a Asoc. Monte Branco trasladan a vila de López Abente. Será o sábado ás 20:00h.

O cumio será o domingo, antes do peche, cando todos os persoeiros que levarán Muxía atrás no tempo fagan unha acción final conxunta no barco instalado no medio da vila. Será arredor das 22:00h, antes da degustación de peixe.

Máis información

Novas relacionadas

comentarios