Venres. 29.03.2024
El tiempo

O PP de Muxía tamén culpa ao goberno municipal das consecuencias do temporal

O PP de Muxía tamén culpa ao goberno municipal das consecuencias do temporal
UNha das pontes que colapsou en Muxia co temporal Unha das pontes que colapsou en Muxia co temporal

Ao igual que fixo o PP en Vimianzo, o grupo da oposición vén de culpar ao goberno municipal de Muxía da gravidade das conseciencias do temporal desta pasada fin de semana. O PP muxián, que esta semana se colocaba de lado da Xunta, e non das familias, sobre o asunto do servizo de pediatría, “culpa directamente da grave incidencia da tormenta do pasado sábado á falta de mantemento de infraestructuras que presentan un mal estado de conservación e que, por iso, non soportaron o envite das augas”.

A voceira popular Sandra Vilela, volve criticar a “deixadez” e “incompetencia” do goberno. Ademais acusa ao alcalde socialista Félix Porto de “botar balóns fóra” para non recoñecer a súa implicación directa, e lamenta que Porto “xogue a ‘trileiro’ intentando ocultar que a Xunta resolveu con celeridade as incidencias acontecidas nos viales que eran do seu titularidade. Pola contra, e pese a que é da súa competencia, o goberno local eludiu calquera tipo de acción nos viais dos que é responsable a administración municipal”.

“Política de crispación”

Por todo o acontecido e tras ver o cariz político que se quixo dar aos danos causados polo fenómeno meteorolóxico, desde o PP de Muxía desexan facer patente o seu “malestar” e “rexeitamento” ante unhas actitudes que, afirman, “en nada contribúen a buscar solucións e si a xerar crispación e confrontación”. “Se en verdade quérese colaboración e solucións, o normal será contar con todas as administracións, o que inclúe á Diputación, pero, visto o visto, o único interese real é o político e intentar atacar á Xunta como única vía para intentar distraer a atención do verdadeiro culpable: o seu deixamento e ineficacia”.

Novas relacionadas

https://quepasanacosta.gal/o-temporal-de-chuvia-deixa-numerosas-incidencias-na-comarca/ https://quepasanacosta.gal/o-pp-de-vimianzo-culpa-ao-concelllo-das-riadas/ https://quepasanacosta.gal/sandra-vilela-inicia-unha-rolda-de-contactos-cos-vecinos-de-muxia-para-exponer-o-plan-do-pp/

Comentarios