Recta final da nova edición do pioneiro proxecto do Mar na Escola
Xa está na recta final o programa “O Mar na Escola 2022, Xogando co Vento”, un proxecto único en Galicia. Máis de 300 rapaces e rapazas (cifras que case chegan aos tempos de prepandemia) de 13 centros de ensino de 6 concellos costeiros puideron aprender, nas aulas, a importancia do mar nas nosas vidas. Aí radica a meirande importancia deste programa, que consegue que os libros de texto falen tamén das cousas do noso arredor. E nada máis noso, e normalmente máis alleo aos plans de estudo programados dende o centro da península, que o mar.
Dende marzo a rapazada leva aprendendo, primeiro coas sesións teóricas nas aulas, e despois coas prácticas no porto de Corcubión e no porto deportivo de Muxía. Durante os meses de abril e maio realizaron numerosas saídas por ambas rías, e o profesorado nota a ilusión que lle mete cada rapaz, desexoso de que chegue o día de ir cos monitor@s da Escola de Vela Cataventos a surcar o noso mar. Un sinfín de vivenzas e aventuras teñen pasado durante estes meses.
Son 6 os concellos participantes (Cee, Dumbría, Fisterra, Corcubión, Muxía e Carnota) a través de 13 Centros escolares : CPR Manuela Rial, CEIP Eugenio López, CEIP Santa Eulalia, CEIP Mar de Fora, CEIP Areouta, CPR Nuestra Señora del Carmen, CEIP Praia de Quenxe, CEIP Virxe da Barca, CEIP Os Muiños, IES Ramon Caamaño, CEIP Vilarmide, CEIP do Pindo, CEIP de Carnota.
Novas relacionadas
- Maio 22: 400 alumn@s disfrutan do mar dende as aulas,
- Abril 21: “O Mar na Escola” permitirá volver estudar o mar e a vela en 13 colexios da Costa da Morte.
- O Mar na Escola 2021: A escola de Cee voltou ao Mar.
- O Mar na Escola 2021: O CM Carrumeiro retomou a temporada náutica e hostaleira.
- O Mar na Escola 2021: Os centros de ensino de Camariñas volven navegar .
- O Mar na Escola 2019: O pioneiro Mar na Escola 18/19 botou o peche despois de achegar a vela a case 500 alumn@s da Costa da Morte.
- O Mar na Escola 2018: Fin de curso para as aulas de vela do pioneiro programa O Mar na Escola.
- O Mar na Escola 2017: 400 nenos xogaron co vento co programa O Mar na Escola.
- O Mar na Escola 2016: O Mar xa está na escola.
- O Mar na Escola 2016: 400 nenos estudan o Mar na Escola, programa ao que se une Laxe.
- O Mar na Escola 2015: 300 rapaces puideron levar o mar ata as aulas co Mar na Escola.