Os programas de axuda a domicilio son uns dos máis demandados na zona A Deputación da Coruña publica no Boletín Oficial da Provincia (BOP) de onte as bases reguladoras do programa de financiamento dos servizos sociais comunitarios para o ano 2016, que estará dotado con 4.037.275,26 euros, e do que se beneficirán os 83 concellos da provincia coruñesa con menos de 20.000 habitantes. Segundo recollen as bases do programa, o obxecto do mesmo é dar asistencia económica ás entidades locais na execución das súas competencias en materia de servizos sociais, dando preferencia aos servizos básicos comunitarios establecidos na Lei 13/2008 do 3 de setembro. A Deputación subvencionará os gastos dos profesionais dos servizos sociais comunitarios municipais distintos do perfil profesional do traballador social, entre os que se inclúen persoal técnico de grao medio, auxiliar administrativo e persoal auxiliar do servizo de axuda no fogar. As contías máximas previstas para os concellos da Costa da Morte neste programa, que suman máis de 800.000 euros, son:

• Cabana de Bergantiños: 31.572,68 €
• Camariñas: 71.088,81 €
• Carnota: 31.572,68 €
• Cee: 52.994,50 €
• Corcubión: 52.994,50 €
• Coristanco: 42.128,12 €
• Dumbría: 37.573,65 €
• Fisterra: 53.027,07 €
• Laxe: 37.586,97 €
• Malpica de Bergantiños: 51.502,50 €
• Mazaricos: 51.502,50 €
• Muros: 52.994,50 €
• Muxía: 65.023,07 €
• Ponteceso: 33.097,25 €
• Santa Comba: 75.578,52 €
• Vimianzo: 51.107,54 €
• Zas: 52.586,24 €

Fonte

• Redacción QPC ([email protected])
• Deputación da Coruña