Despois do parón de Nadal, volve a máxima competición ao volei estatal, e faino no Conco. O pavillón dumbriés acolle esta fin de semana de 11 e 12 de xaneiro a Fase Final da Copa Príncipe 2020. Así o presentaron onte o presidente da Federación Galega José A. Luna, o alcalde dumbriés José Manuel Pequeño e unha expedición do club.

Un Volei Dumbría que pechou o ano na 2ª praza, a só un punto do Rotogal Boiro, pero que aspira, con todo, a ascender á máxima categoría do volei estatal.

Bienvenidos a la Copa Principe pic.twitter.com/6ntwGUwpNy

— José A. Luna Bargo (@josealunabargo) January 9, 2020

A organización desta Copa Príncipe, despois do éxito da histórica fase de ascenso da temporada pasada, é toda unha demostración de intencións, de colocar a Dumbría e á Costa da Morte no máis alto do volei español. Unha nova demostración de facer do deporte un motor económico-turístico.

As semis comezan na tarde do sábado cun Boiro-Barça ás 17:00h e un Dumbría-Tarragona ás 19:00h. O domingo, ás 12:00h, a gran final.

Todos os partidos serán retransmitidos a través de La Liga Sports Tv

Xa se poden mercar as entradas (2€/días para socios e 3 para público en xeral) na cafetería do Conco.

NOVAS RELACIONADAS

• Novembro 19: O Volei Dumbría segue arrasando na SuperLiga2 e será o anfitrión da Copa Príncipe.
• 07-11-19: O Volei Dumbría mete medo na Superliga2:
• Abril 19: Volei Dumbría: As portas do ascenso tras unha histórica Fase.
• 18-02-19: Histórica e reivindicativa clasificación do Volei Dumbría para a fase de ascenso máxima categoría.
• 04-01-19: O Volei Dumbría, flamante campión da Copa Galicia.
• 2014: Histórico debut, con vitoria, dos Sénior do do Voleibol Dumbría.