Xoves. 28.03.2024
El tiempo

Emma Núñez, dende Carballo facendo historia no Karate galego

Enma Nunez campiona de Europa de Kata por equipos
Enma Nunez campiona de Europa de Kata por equipos
Emma Núñez, dende Carballo facendo historia no Karate galego

”En Galicia xa fixo historia. En 50 anos que leva o karate instalado en Galicia, é a primeira persoa que entra na selección nacional en modalidade de Kata, e por suposto, a única que conseguiu subirse un podio a nivel europeo coa roja". Así de orgulloso conta Seve Núñez, natural de Cerqueda, os triunfos deportivos que está conseguindo a súa pequena Emma Núñez. Con só 17 anos, vén de proclamarse campiona de Europa por equipos na categoría Cadete-Junior en modalidade de Kata, no campionato celebrado esta pasada fin de semana na cidade dinamarquesa de Aalborg. Fíxoo facendo equipo coa valenciana María San Francisco e a malagueña Sabrina Sabo.

Enma Nunez a esqueda co equipo campion de europa de Kata

“Estou sen palabras, sentir o himno nacional cun pavillón en Dinamarca enteiro de pé pola túa nena, é algo impensable. Na vida podes soñar con algo así e, mira, chegou”, trata de explicar Seve.

Todo un fito para unha rapaza que leva toda a vida adicada a este deporte, da man do seu adestrador Carlos Felpeto, mestre no club Kárate-Do Carballo. “Estamos onde estamos gracias a el”, apunta en gratitude Seve.

Nada na Coruña e residente en Cerceda, Emma adestra na capital bergantiñá e todas as semanas visita a casa familiar de Cerqueda, onde os avós paternos coidan o Bar Asturiano.

Así vai levando o nome da Costa da Morte polo mundo. De feito, esta fin de semana xa ten un novo campionato internacional en Matosinhos, onde estarán representados 4 países, e Enma aspira a subir ao podio. “Dáselle ben Portugal onde está moi ben considerada, pois xa fixo podios en varias probas de Oporto, Monçao…”

Inoportuna lesión que non impediu o éxito

A toda esta aventura hai engadirlle o plus da superación. O 2018 foi un ano duro para Emma, pois arrastrou unha lesión que a deixou fóra dos tatamis. “Mesmo a traumatóloga aconselleulle que deixara o deporte, pero buscamos alternativas e gracias a grandes profesionais como Isma Calvo, readaptador de lesións deportivas, que nos leva guiando na rehabilitación, puidemos seguir competindo a este nivel”, agradece Seve.

Campiona galega en todas as categoríasEnma Nunez ca Seleccion Espanola de Kata

Enma empezou con 6 anos, agora mesmo ten 17. Comezou na Coruña pero pronto viu a Carballo para adestrar e xa o primeiro ano co club carballés quedou campiona galega. E leva 11 anos consecutivos quedando campiona galega en todas as categorías, 8 consecutivas en Kata (forma e técnica), que o dela, e 3 en Combate.

Ademais, leva na Selección galega dende 2010, percorrendo a xeografía española por completo. Entre os seus títulos está o bronce do campionato de España en 2016, ou tamén a terceira praza na primeira Liga Nacional da Federación que se armou en 2017.

Apenas hai dous meses deu o salto á seleccion nacional, é á terceira cita xa conseguiron nada menos que esta medalla de ouro europea por equipos.

Un futuro pasado polo Karate

E precisamente tiña pensado adestrar e adestrar para o Campionato do Mundo que se vai celebrar en outubro en Chile. Pero Emma cumpre anos no verán, e pasa de categoría, a sub-21, polo que non chegará. “Xa está moi complicado entrar. Pero bueno, nunca se sabe, e pode que en outubro a chamen para estar en kata individual en Chile”, valora con esperanza.

”Agora toca centrarse nos estudos”, explica o pai, “e o de competir haberá que ir vendo. Pero o que ten claro é que o día de mañá quere sacar o curso de nivel deportivo e abrir o seu propio ximnasio”.

Toda unha demostración de amor polo deporte.

Comentarios