Máis xente ca nunca congregou a XX Festa do Percebe do Roncudo de Corme. I é que 20 anos dan para moito, e se hai unha ducia de anos era unha festa para maiores, a día de hoxe é a xuventude a que cambiou esta cita, facendo dela unha mestura entre gastronomía e festa rachada.

Ameazaba chuvia pero pronto saíu o sol e permitiu que Ramón Pombo Castro, Bergantiñán do ano 2011, dese o pregón con normalidade. Os pasarrúas coruñeses dos Kilomberos de Monte Alto e o Grupo de Gaitas Donaire comezaron a armar guerra.

Chegou a hora de xantar e o momento do día. Nada menos que 1.000 racións dos mellores percebes do mundo se venderon, a golpe de 17 euros, que mollados con viño, fixeron as delicias dos milleiros de asistentes. Desta volta non se chegaron aos 1.000 quilos, como o ano pasado, pois as capturas non forn tan enormes, pero si chegaron para encher o bandullo.

Unha festa de pandas

Tradicional é xa que cada grupo de amigos se fagan unha camiseta especial para a Festa do Percebe. E non podía ser doutro xeito. Coma se de bandas se tratase, a Praza da Ribeira ía vestida por parroquias, segundo as cores das pandillas que por aló bailaban.

Toda unha tarde de festa

E non houbo parada para comer. A festa xa estaba en marcha, e se na carpa a xente facía colchón, polas rúas xa se escoitaba a música dos pinchas locais de EventosOn. Non parou de soar a música, da boa ademais, en toda a tarde e en toda a noite, demostrando que esta festa ten moitos anos de vida.

Conexión irmandiña

Houbo ademais conexión irmandiña, pois aló polas 0:00h da noite, un bus marchou dirección Vimianzo, para disfrutar do concertazo da Pegatina no marco do Asalto ao Castelo de Vimianzo.

E atentos, que se esta do Percebe do Roncudo é unha das citas gastronómicas máis importantes do verán costeiro, hoxe mesmo, luns 9 de xullo, ten lugar outra das grandes: A Fagía de Carnés.

Máis información

• www.percebedoroncudo.com.
• Facebook da Festa do Percebe Corme.

Novas relacionadas

• Entrevista con Paula Pombo: “A forza coa que rompe o mar no Roncudo fai que o noso percebe sexa o rei”.
• 2012: O rei do marisco xa ten a súa festa preparada.
• Festa 2011: Corme esgotou cos 1.000 quilos de percebes do Roncudo.
• Festa 2010: A Festa do Percebe non nota a crise.
• Festa do Percebe do Roncudo 2009: 6.000 persoas disfrutaron do mellor Percebe do Roncudo.
• Festa do Percebe do Roncudo 2008: A Festa do Percebe do Roncudo volveu ser un referente en todo o país.

Máis novas

• Percebeir@s a ritmo do mar.
• Unha homenaxe, en vídeo, á figura de percebeiro.
• Unha nova documental pechará a triloxía sobre o mar de Laxe.

Fonte

• Redacción de QPC ([email protected]).