Onte 5 de marzo, dou comezo o Curso de Auxiliar de Clínica e Xerontoloxía que organiza a Concellaría de Servizos Sociais do Concello de Ponteceso. O Curso foi inagurado polo Concelleiro de Servizos Sociais, Óscar M. Rey Calo, destacando a importancia que teñen este tipo de iniciativas formativas, que buscan asentar poboación no municipio, fomentando a creación de postos de traballo que son, ao mesmo tempo, un benefecio á comunidade, como é prestar un servizo de atención e coidado aos nosos maiores.

O curso impártese no Centro Cultural en Ponteceso os luns, martes e mércores de 10.00h a 14.00h e durará ata finais do mes de maio. Asisten 20 mulleres desempregadas do Concello de Ponteceso. Está impartido por profesionais do sector e conta cunha subvención da Deputación Provincial de A Coruña.

Novas relacionadas

• A Xunta fíxase nas redeiras de Corme para facer unha guía de saúde do sector.
• A nova directiva dos empresarios de Ponteceso xa pensan na nova Aula de Formación.
• Abre o prazo de inscrición das garderías de Ponteceso e Fisterra.
• Rosalía de Castro celebrou o seu 175 aniversario en Ponteceso e Muxía.
• Os maiores de Ponteceso soben ao carro de Susa da Chasca.

Fonte

• Concello de Ponteceso.