Domingo. 05.02.2023
El tiempo

As agrupacións feministas xuntaron centos de persoas en Carnota, Cee e Ponteceso

25N en Ponteceso
Imaxe da multitudinaria concentración en Ponteceso
As agrupacións feministas xuntaron centos de persoas en Carnota, Cee e Ponteceso

Innumerables as citas municipais realizadas este venres arredor do Día Internacional pola eliminación da violencia de xénero. Accións moi necesarias aínda nunha bisbarra e nun país onde nin a mocidade salva de conductas machistas continuas.

Pero máis necesarias son aínda as accións protagonizadas pola cidadanía, pola xente, polas nosas mulleres. E as concentracións que protagonizaron en Carnota, Cee e Ponteceso merece unha atención especial. Citas que serviron para denunciar que son 38 mulleres asasinadas en España neste ano, pero tamen para denunciar outro tipo de violencias máis silenciadas, como a violencia psicolóxica, violencia na saúde mental das mulleres, violencia sexual e ata a violencia institucional e xudicial.

Feminismo en Pé en Ponteceso

25N en Ponteceso nomes

Era o de onte o primeiro evento que artellaba a Plataforma “Feminismo en Pé”. Nacida en verán e formada xa por máis de 30 mulleres de Laxe, Malpica ou Ponteceso, convocaban á veciñanza na Praza do Recheo. Contabilizaron arredor de 300 persoas (acodiron tamén as bravas traballadoras en folga do servizo de axuda no fogar), que escoitaron os nomes das 38 asasinadas, e o comprometido manifesto.

Un manifesto no que lamentan a “falla de formación transversal e de perspectiva feminista nos distintos sistemas de atención ás mulleres, e en particular no sistema xudicial, fai que as mulleres se vexan vexadas e humilladas pola administración da xustiza de man de persoas sen sensibilidade”. E tamén no que alertan de que “medran entre a mocidade e se asentan patróns de comportamento machista que xustifican o control e os ciumes, ou que infravaloran a capacidade das mulleres novas, dándose un incremento da violencia verbal e psicolóxica que en moitas ocasións mesmo pasa desapercibida polas rapazas e polo seu entorno máis próximo”.

Mulleres de Feminismo en Pe en Ponteceso
Mulleres de Feminismo en Pé en Ponteceso

Buserana en Cee

25N en Cee con Buserana
Concentración en Cee con Buserana

O colectivo feminista decano da comarca, Buserana, convocaba a súa obrigada cita ás 20:00h na Praza 8 de marzo. Un centenar de persoas acodiron a poñer candelas, escoitar o manifesto e concienciarse da necesidade de seguir loitando para acadar a plena liberdade.
A entidade quixo rematar cun halo de esperanza e fíxoo coa entrega dos Premios do II certame de relatos Buserana, que foron para Irene García Naranjo, de 15 anos, e para Ariadna Castro na categoróa absoluta. O luns leremos os relatos en QPC.

25N Cee 2022

Sonlilá en Carnota

Máis cativa pero non por iso menos emotiva foi a concentración de Carnota. As mulleres da Asociación Sonlilá convocaban á xente ás 19:30h na Praza da Pedra, onde leron o Manifesto da Marcha Mundial das Mulleres e berraron consignas feministas. Un manifesto que tivo por lema “Se o presente é loita, o futuro será libre”, e que lembrou os primeiros encontros feministas como o realizado no Caribe en 1981 en homenaxe ás irmás Mirabal, vítimas do feminicidio e da ditadura da República Dominicana nos anos 60.

”Seguiremos en marcha até que todas sexamos libres!”, avisaron.

25N Carnota 2022 mulleres sonlila

Outras citas

Xa vivimos a fermosa acción de cometas tanto en Zas como en Vimianzo, ou o manifesto institucional ldo no Concello de Carballo:

En Cee, pola mañá centros de ensino, concello e entidades sociais celebraron a sesión reivindicativa inaugurando un mural de Rakel Cavallo.

Rakel Cavallo en Cee-Foto-Rafa QUintans
Rakel Cavallo en Cee-Foto-Rafa Quintáns
25N en Cee cos IES-Foto-Rafa Quintáns
25N en Cee cos IES-Foto-Rafa Quintáns

Pola súa parte, en Cabana puxeron o ton poético na xornada ‘A visibilidade da muller’, promovida pola área de Cultura, contou coa lectura de poemas a cargo das poetisas Maica Pastoriza, Branca Vilela, Rosalía Fernández e a autora local, Matilde Vilariño.

CABANA 25N -3
En Cabana

Mentres, por Ponteceso artellaron Saída Cultural a A Coruña na que participaron máis de trinta mulleres.

25N Ponteceso na Coruna
Mulleres de Ponteceso na Coruña

Revindicacións

Non queremos rematar sen deixar a listaxe completa de reivindicacións que sinalan no seu manifesto as mulleres bergantiñáns de Feminismo en Pé.

- Que se recoñezan como asesinatos machistas todos aqueles cometidos por homes, só polo feito de ser mulleres.

- Que se considere violencia machista, todos os tipos de violencia que recibimos: sexual, económica, institucional…

- O aumento do investimento para a prevención da violencia machista. Creando políticas educativas de sensibilización e formación dende idades temperás.

- O aumento do investimento para a detección e protección das vítimas. Ampliando as penas dos maltratadores, as medidas policiais de protección ás mulleres, construindo programas efectivos de reeducación, favorecendo medidas que permitan a independencia económica das mulleres maltradadas…

- A reforma do sistema xudicial, que actualmente revitimiza ás mulleres, sendo precisa a formación feminista a todas as persoas que actúan no sistema xudicial. Así como a disposición de leis claras e concisas que non dean lugar a eivas por interpretacións incorrectas das maxistraturas.

- Políticas de calado contra a pandemia da violencia sexual. Que abarquen dende a sensibilización social á coeducación,á prevención, á protección, á atención integral e á reparación das vítimas. Así como a erradicación da pornografía, escola perfecta para os futuros violadores e agresores sexuais.

- O recoñecemento da violencia obstétrica, lexislando para que se respeten os plans de parto e se garanta o benestar das nais e bebés escoitando as súas necesidades.

- O aumento do investimento en coeducación nos centros educativos, para traballar pola abolición dos estereotipos de xénero.

- Medidas de conciliación e de apoio ás familias, que favorezan que a crianza sexa acompañada e corresponsable.

- Unha lei que dea reposta a todas as necesidades das familias monomarentais (o 80% das familias nas que so hai unha proxenitora, esta é muller) , que experimentan a crudeza da crianza en solitario. E das lesbomarentais no recoñecemento de ambas nais.

- Medidas urxentes para a erradicación da pobreza e precariedade laboral das mulleres, ocasionada por unha falta absoluta de políticas de emprego digno basadas na igualdade efectiva.

comentarios