Un cento de veciñas e veciños de Ponteceso arrouparon ao BNG na presentación da súa candidatura na noite do venres na Casa dos Veciños do Couto. No acto, a candidata do BNG Fátima Rodríguez Gonzálvez destacou que “Ponteceso merece moito máis: ilusión, ideas novas e ganas de cambiar as cousas”. Afirmou que “o BNG ten un modelo municipal de éxito que aporta dinamismo social, económico e cultural, e que desde o Bloque se traballará para colocar un concello do rural na vangarda, cun proxecto transformador que beba do modelo municipal do BNG, un modelo que transforma en positivo mellorando a vida das persoas, que xera dinamismo económico e social, que xestiona con eficacia e con transparencia cada euro, un modelo municipal que é referente dentro e fóra de Galiza”.

Falou tamén o vicepresidente de Deputación da Coruña, Xosé Regueira e o número 2 da candidatura Miguel Pose, quen destacou o liderado da candidata e o convencemento de que será a primeira alcaldesa de Ponteceso.

A lista completa é:

• 1. Fátima Rodríguez Gonzálvez.
• 2. Miguel Pose Amado.
• 3. María Vitureira Facal.
• 4. Martín Bermúdez Rodríguez.
• 5. Xurxo Souto López.
• 6. Mari Lista Neira.
• 7. Juan Bermúdez García.
• 8. Rosa Haz Chouciño.
• 9. José Luís Grobas Amado.
• 10. Lucía Veciño Souto.
• 11. Bryan Martínez Oanes.
• 12. Sandra Souto Gómez.
• 13. Nando Rivera Pose.
• Sup. 1: Miguel Anxo Mato Fondo.
• Sup. 2: Andrea Pérez Duarte.

NOVAS DAS ELECCIÓNS

NOVAS DO BNG