Non se aprende mellor que vivindo as cousas en primeira persoa, que vendo como traballa outros países. E nesa liña artellou o IES Eduardo Pondal de Ponteceso unha visita á semana pasada a Alemaña, ao abeiro dun proxecto de mobilidade concedido pola Xunta de Galicia no marco dun concurso destinado á FP Dual.

Ademais de facer algo de turismo, a expecidión de 26 estudantes de Ciclo Superior de Automoción en réxime dual visitou, con 4 dos seus docentes, unha marea de centros tecnolóxicos de primeira orde.

Visitaron lugares como as factorías automobilísticas coma Mercedes Benz en Bremen, VW en Wolfsburgo, os estaleiros de Meyer Werft en Papenburgo ou mesmo as instalacións do fabricante de aeronaves Airbus na propia cidade hanseática.

O alumnado puido asemade coñecer de primeira man a experiencia dun traballador que o é coma antigo estudante da FP Dual.

Por outra banda, os integrantes do grupo afondaron na súa competencia lingüística no idioma inglés e coñeceron a organización laboral e da propia FP Dual xermana que identificaron por similitude ca do seu propio centro educativo.

Máis novas