Nace Plan B Editora, unha editorial na Costa da Morte
Segue espallando a súa semente literaria a Costa da Morte. Plan B Editora é un novo selo editorial que nace ligado ao proxecto "A Tenda dos Libros", que xa conta cun comercio de libraría-papelaría en Ponteceso. A editora pretende complementar os servizos de xestión cultural e de edición que o equipo de A Tenda dos Libros xa ofrecía.
A liña editorial deste novo selo estará centrada fundamentalmente en editar a autoras e autores que teñan algún tipo de relación coa Costa da Morte pero non están pechados a editar calquera tipo de obra en calquera lingua. Os seus primeiros proxectos céntranse na edición de obras descatalogadas pero que o público continúa demandando.
Portoceo de José Antonio Pet Posse
A primeira obra que sacarán do prelo é Portoceo, do pontecesán José Antonio Pet Posse, unha novela que foi finalista do Premio Planeta no ano 1982 e na que se retrata a vida dunha vila da Costa da Morte na época da Transición e na que a través do personaxe principal se adiviña a evolución da sociedade galega durante a década dos 80.
Vindeiras presentacións
Pero non aparca o seu afán por presentar en sociedade libros xa editados. Así, o día 18 terá lugar a presentación do libro Setas de Galicia y Noroeste Peninsular", do noso colaborador José Castro Marcote; e o 25 o de "Costa do Solpor", do tamén colaborador desta casa Xosé María Lema Suárez.
Máis información
Novas relacionadas
- Música, flores, escultura, pintura e moita poesía polos 50 anos sen López Abente.
- Un libro sobre o cambio social de Galicia que supuxo a marea negra.
- Herdeiros pola forza: O patrimonio volve ás mans da cidadanía.
- As rúas da Costa da Morte que teñen nome de periodista.
- Nace a Asociación de Medios en Galego coa presencia de QPC.
- Lema Suárez estréase coa súa primeira novela de piratas “Costa do Solpor”.
- Un libro sobre o cambio social de Galicia que supuxo a marea negra.
- A Costa da Morte vístese con “Piel de salitre”.
- Muxía e Xerais recuperan a Narrativa Mariña de López Abente.
Fonte
- Redacción de QPC (info@quepasanacosta.gal).
