A Consellería de Vivenda e Planificación de Infraestruturas vén de adxudicar, por un orzamento de 332.310 euros a execución das obras dunha senda peonil en Pazos, no concello de Ponteceso.

Con este contrato, adxudicado á empresa Cosmalca, S.L.,  trátase de construír un itinerario peonil  de na estrada AC-419, no treito que vai desde o punto quilométrico 2+990 ata o 3+350.

Executaranse unha senda peonil pola marxe esquerda da travesía, unha zona de aparcamento, dous pasos de peóns e un reforzo da sinalización existente. 

A Consellería financiará estes traballos coa achega do 70% do orzamento, e o Concello de Ponteceso aportará o investimento restante.