A polémica situación política do Concello de Ponteceso xa ten salpicado a Protección Civil. Agora tócalle á Policía Local sufrir as consecuencias do esperpento municipal que proagonizan os seus dirixentes políticos.

Desta volta ata o sindicato CSIF (maioritario no Concello) denuncia que o alcalde Lois Carballido acaba de “humillar aos compañeiros/as da Policía Local, cambiándolles os servizos, retirándolles o coche patrulla e enviándonos cun chofer/condutor fóra dos núcleos poboacionais a facer patrullas a pé toda a mañán polo monte... desatendendo calquera tipo de norma ou lei”.

O sindicato xa están dando traslado a Fiscalía e Xulgado, “ante este novo brote de auténtica tolemia” ao tempo que envían o seu apoio aos María Jose, Carlos, Pablo, Eva e Gumersindo.

O sindicato lembra episodios protagonizados polo alcalde, como o feito de “levar co seu sogro un coche patrulla da Policía a unha festa a Sestao”, “asinar facturas en nome de traballadores”, u“contratar Detectives para vixiar aos traballadores”, ou ata “dicirlle aos policias ”antes de denunciar a ninguén falade comigo”.

Unhas acusacións que ratifica o voceiro do PP, Daniel García Cotelo, lamentando o trato “vexatorio” do alcalde cara a traballadores municipais e policías locais. Considera as últimas demandas do alcalde un “sinsentido”, obrigándolles aos axentes a uns cuadrantes imposibles de cadrar ca conciliación.

García Cotelo explica que as protestas dos axentes traducíronse nunha ”represalia” en forma de envialos, sen coche patrulla, á zona de Niñons e a praia do Lago, tendo que ser trasladados por un chofer que lles recollería ao finalizar a súa xornada laboral, co agravante de que se trata dun lugar sen cobertura móbil e onde os traballadores permaneceron incomunicados toda a mañá.

Fai referencia tamén García ao Bando municipal sobre as Festas do Carme de Corme, onde o Concello prohibirá unha manchea de actividades, como a contratación de dúos, os botellóns… “É curioso que publique unha normativa que debe facer cumprir a Policía Local cando está sometendo aos axentes a un trato tan humillante e vexatorio”, denuncia o Partido Popular.

Novas relacionadas

• 13-07-21: Denuncian a carencia de servizos das praias con Bandeira Azul de Ponteceso.
• 12-07-21: O PP de Ponteceso tamén denuncia ante a Fiscalía as gravacións na alcaldía.
• Xuño 21: Protección Civil de Ponteceso pide axuda á Xunta para acabar con situación de ingobernabilidade.
• Xullo 21: A oposición pontecesá volve á carga contra un ausente alcalde.
• 9-10-2020: Os edís chantaxeados de Ponteceso queréllanse contra o alcalde e contra La Voz de Galicia .
• 27-10-2020: Carballido cambia a Xunta de Goberno e a Provincia Socialista abre expedientes aos 3 edís gravados con cámara oculta.
• 26-10-2020: Marco Varela: “Vergonza”.
• 25-10- 2020: Chantaxe ou montaxe?.