A Xunta vai recorrer ante o Supremo a sentenza do TSXG que anulou a autorización da repotenciación do parque eólico de Corme

eolicos industria

Traballando en pleno confinamento no parque eolico de Corme — Imaxe das obras no P.E. do Roncudo en pleno confinamento

Redacción

07:58 10/02/22

Onte pasou polo Pleno do Parlamento a sentenza do TSXG que anula a autorización da Xunta das obras de repotenciación do parque eólico de Corme, executadas durante o confinamento. A oposición puxo unha interpelación á que o vicepresidente económico e conselleiro de Economía, Empresa e Innovación, Francisco Conde, respondeu con rotundide, sinalando que a Xunta vai recorrer ante o Supremo a devandita sentenza, a pesar de que deixa claro que a política eólica da Xunta vai en contra contra as directrices europeas.

Porén, Conde sinala que “Galicia conta cun modelo eólico garantista para o desenvolvemento deste sector”, e non recúa sobre a necesidade de dar máis información, e prazo, á veciñanza, como sinala a propia sentencia.

Incide en que “a Xunta só vai autorizar aquelas iniciativas que conten con todos os informes sectoriais favorables”, obviando que son eles mesmos os que publican eses informes, e mesmo chega a recoñece que a Lei galega do sector eólico impide a construción de parques en Rede Natura e fóra das áreas do Plan sectorial eólico.

E apelou á moratoria de ano e medio que está mantendo para tramitar os 275 expedientes que hai agora sobre a mesa, e cunha nova limitación na distancia dos aeroxeradores para os novos proxectos, pasando de 500 metros a 5 veces a altura do aeroxerador.