Alertan do perigo dunha hipótetica rotura da balsa mineira de Varilongo
26 de decembro de 2022 (08:26 h.)
Apenas uns días despois de que a Xunta denegase o permiso de vertedura á mineira, o grupo de Ecoloxistas en Acción vén de alertar do perigo dunha posible rotura das balsas mineiras de Varilongo, por atoparse sobre o cauce e a zona de policía dos regos de Casas Vellas e a Braña Ancha.
Segundo o informe técnico unha das balsas ocuparía na súa meirande parte o terreo do humidal denominado Braña da Useira. Unha rotura desta, ou unha mala xestión, produciría danos irreparables para os cauces do Rego da Casa Vella (actualmente debaixo de balsas) e para o Rego da Braña Ancha, co conseguinte dano ambiental para o humidal da Braña Ancha.
Por iso piden de urxencia drenar a auga das balsas de enriba dos cauces e determinar o réxime dos danos producidos ao medio, aos recursos hídricos e aos humedais da Uceira e da Braña Ancha, recuperandoa así o Rego da Casa Vella e o Rego da Braña Ancha para garaantir o equilibrio hídrico do humidal.
Así mesmo, instan máis dilixencia á Xunta para inscribir estes humedais no Inventario de Humedais.
Novas relacionadas
- 23-12-22: A Xunta anula a solicitude de vertido á mineira que intenta operar en Varilongo.
- Novembro 22: A Xunta inicia o proceso de caducidade das concesións mineiras de Varilongo.
- Novembro 22: Esixen a Xunta que cancele as concesións da mina de Varilongo .
- Novembro 22: A mineira de Varilongo: Diferente nome pero mesma estratexia.
- Abril 22: A mineira Rafaella Resources denuncia á Comunidade de Montes de Grixoa de Esternande pola plantación masiva de carballos nunha parcela da mina.
- Marzo 22: O Concello bota de Santa Comba á empresa mineira australiana Rafaella Resources
- Marzo 22: A veciñanza de Grixoa de Esternande converte un espazo da mina de Varilongo na Carballeira das Casas Vellas .
- Marzo 21: Colectivos ecoloxistas denuncian que as augas da mina de Varilongo levan metais pesados
- Outubro 20: ”É totalmente falso que Euro Battery poida explotar níquel, cobre e cobalto na Braña de Castriz”.