A veciñanza de Grixoa de Esternande converte un espazo da mina de Varilongo na Carballeira das Casas Vellas
Esta mañá de sábado, viviuse unha xornada moi especial no corazón da mina de Varilongo. A Comunidade de Montes Veciñais en Man Común de Grixoa de Esternande, coa colaboración da Asociación Ecoloxista Verdegaia e da Plataforma BerXallas, coa afán de recuperar terreo para o uso social, organizaba unha plantación de máis de 350 carballos e 7 castiñeiros nunha zona da mina. Unha plantación case en termos de ocupación que demostra, no marco das Brigadas Deseucaliptizadoras de Verdegaia, que demostra o poder infinito da sociedade unidade.
A veciñanza lembra que se trata dun espazo que a mina lle roubou hai máis de 20 anos, pero que a verdadeira propiedade é da Comunidade.
Así, a Carballeira das Casas Vellas xa está en marcha gracias aos máis de 30 veciñ@s e outra vintena de voluntari@s chegad@s de lugares tan diversos como Teo, A Coruña, Chantada, Boiro.. Algún viu a propósito dende Suiza, como o propio voceiro da Comunidade de Montes, Xosé Abelenda, tremendamente orgulloso duns veciños comprometidos coa súa terra, que non van deixar de loitar por acabar coa minaría irresponsable co medio ambiente.
A xornada completouse cunha máis que agradable comida campestre, e un recital poético por parte de Manuel Durán (do Cubelo). O “bardo de Santa Comba” leu un manifesto feito en verso, lembrando ao regueifeiro “O Atrevido de Grixoa”, e non se esqueceu tampouco de lembrar a loita da veciñanza contra os eólicos, ou loita pola súa esquecida estrada.
Este San Xosé quedará para a tradición, facendo cada ano unha festa campestre na Carballeira das Casas Vellas.
Máis novas sobre montes comunais
- Mazaricos lembrou a historia do asasinado Che de Pedro durante o Día da Loita da Veciñanza Comuneira.
- Boca de Sapo espalla a reforestación de bosque autóctono en fincas municipais.
- “Dende que temos mastíns coidando as cachenas, non tivemos problemas co lobo”.
- A Comunidade de Montes de Esteiro dá outra vida ao seu monte.
