Este venres 23 de xaneiro, inaugúrase unha nova exposición na Casa da Cultura de Vimianzo, abrindo este espazo a unha nova expresión artística que é menos común ver nas salas. Se ata o momento as mostras que acolleu a nosa sala foron de pintura, escultura e fotografía, a exposición de Noelia Pose Antelo vainos amosar que a moda tamén é arte. Sky Frame foi o nome do proxecto co que Noelia, deseñadora de moda de Berdoias, resultou gañadora do certame de novos deseñadores “Torre de Hércules”. Un espectacular traballo creativo, digno das máis prestixiosas pasarelas de moda, inspirado nas formas arquitectónicas do século XX, creando a través das texturas e dos volumes. A partir do venres todos poderemos coñecer o traballo realizado por esta veciña de Berdoias, que ben seguro non deixará indiferente a ninguén.

O acto da inauguración da exposición será o venres día 23 ás 20 horas e a exposición poderá visitarse ata o 6 de marzo.

A Sala de Exposicións Antón Mouzo segue a cumprir o lema que a acompaña, “Orgullosos do noso”; amosándonos que Vimianzo e a Costa da Morte é terra de artistas.

Máis novas de Vimianzo

• Nolo Suárez en Vimianzo.
• A Simona puxo a palillar a todo Vimianzo no Castelo.
• O liño mantén vivo o Castelo de Vimianzo.
• Viki Rivadulla fixo soar O Bruar da Bughina en Vimianzo.
  • Vimianzo ensalza a obra de Juan A. Cundíns, un novo artista local.
  • Vimianzo vivíu unha emotiva fin de semana de pintura e teatro coa mostra de Chelo Lema.
  • Vimianzo segue, co escultor Suso Fuentes, poñendo en valor aos artistas locais.
  • Viki Rivadulla na Sala do Perello: Dos retratos de Antonio Nodar aos autorretratos dos nosos gobernantes.
  • De London a Vimianzo co auto-retrato de Antonio Nodar.
  • Xurxo Martiño demostra o potencial artístico vimiancés na casa.
  • As escolas de Vimianzo comezan o seu programa cultural con Antón Mouzo.
  • Redacción de QPC (info@quepasanacosta.gal).

Fonte