El representa mellor que ninguén o lema “Orgullosos do noso”. El dá nome a esa sala de Exposicións onde ducias de artistas da zona teñen expostos as súas obras, permitíndolles ser profetas na súa casa. Por iso, a Sala Antón Mouzo é toda unha referencia cultural costeira. E o seu legado continúa creando admiración.

María Lavandeira, nai do artista Antón Mouzo, asinaba onte un convenio xunto co Alcalde de Vimianzo, no cal se fixan as condicións da doazón gratuíta de dúas obras de Antón Mouzo para o concello de Vimianzo. Un convenio que só consta dunha única condición por parte da cedente que é que os cadros “deben estar expostos de xeito permanente na Casa da Cultura de Vimianzo para o disfrute de todos os veciños e veciñas”.

Os cadros expostos como sinala o acordo no hall da Casa da Cultura poden ser vistos por todas as persoas que se achegan á Casa da Cultura vimiancesa. Dúas obras de 200x260 cm nas que o pintor usou mica, un dos materiais que caracterizaba a obra de Mouzo. O Alcalde de Vimianzo quere agradecer inmensamente á familia Mouzo esta doazón totalmente desinteresada que nos dá a posibilidade a todos os veciños e veciñas de Vimianzo a oportunidade de gozar da obra deste grande artista vimiancés”.

Nova da Sala de Exposicións Antón Mouzo

• Os sorprendentes deseños de Noelia Pose Antelo toman Vimianzo.
• Nolo Suárez en Vimianzo.
• A Simona puxo a palillar a todo Vimianzo no Castelo.
• O liño mantén vivo o Castelo de Vimianzo.
• Viki Rivadulla fixo soar O Bruar da Bughina en Vimianzo.
• Vimianzo ensalza a obra de Juan A. Cundíns, un novo artista local.
• Vimianzo vivíu unha emotiva fin de semana de pintura e teatro coa mostra de Chelo Lema.
• Vimianzo segue, co escultor Suso Fuentes, poñendo en valor aos artistas locais.
• Viki Rivadulla na Sala do Perello: Dos retratos de Antonio Nodar aos autorretratos dos nosos gobernantes.
• De London a Vimianzo co auto-retrato de Antonio Nodar.
• Xurxo Martiño demostra o potencial artístico vimiancés na casa.
• As escolas de Vimianzo comezan o seu programa cultural con Antón Mouzo.

Fonte

• Redacción de QPC (info@quepasanacosta.gal).