Chegado o outono e notamos na Axenda Costa da Morte que as exposicións substitúen ás festas. Pero o importante é que actividade non decaia, e se trocamos cultura por troula, non saímos mal parados. Hoxe imos ata Camariñas en Vimianzo, onde dúas exposicións invaden xa os espazos culturais máis respectados dos dous concellos.

Nolo Suárez en Vimianzo

Intensa foi a inauguración do pasado venres da exposición de pintura de Nolo Suárez na Sala de exposicións Antón Mouzo da Casa da Cultura de Vimianzo.

Numerosos veciños da volta achegáronse para escoitar as verbas deste veterano pintor vimiancé, que tn exposto a súa obra en diversas galerías, museos e salas de exposicións e mostras internacionais de Galicia e Portugal. Un pintor que foi seleccionado pola Consellaría de Cultura da Xunta de Galicia para expoñer de maneira itinerante en Lugo e na Coruña coa mostra individual “Confluentes” e expuxo en mostras organidas polos concellos de Santiago de Compostela e Vilagarcía de Arousa.

A súa exposición estará aberta na Sala de Exposicións Antón Mouzo, na Casa da Cultura, até o día 13 de decembro. De luns a venres poderase visitar de 9:00 a 20 h e os sábados de 10:00 a 13:00h.

Arte do silencio no Faro Vilán

Aínda que por fora o Faro Vilán de Camariñas está en obras (para reparar a fachada), a súa sala de exposicións está de estreo con unha nova exposición que se inaugurou o pasado domingo. Trátase da exposición "Do Silencio" de María Muñoz Conde, que alberga obras de escultura, pintura, debuxo e gravado. Moito detalle, moita arte, nesta mostra que se poderá visitar ata o 30 de novembro (de mércores a domingo).

Todo, coma sempre, da man da activa Asociación de Empresarios Turísticos de Camariñas, que seguen facendo do Faro Vilán un epicentro cultural na bisbarra.

Máis novas do Vilán

• O Faro Vilán representa o aumento de visitantes na Costa da Morte.
• Ollando unha Galiza en Branco e Negro dende o Faro Vilán.
• O Cabo Vilán déixase pintar.
• O Vilán, o Faro dos Faros.
• Un ano de actividades no Faro Vilán cos Empresarios de Camariñas.

Máis novas de Vimianzo

• A Simona puxo a palillar a todo Vimianzo no Castelo.
• O liño mantén vivo o Castelo de Vimianzo.
• Viki Rivadulla fixo soar O Bruar da Bughina en Vimianzo.
• Vimianzo ensalza a obra de Juan A. Cundíns, un novo artista local.
• Vimianzo vivíu unha emotiva fin de semana de pintura e teatro coa mostra de Chelo Lema.
• Vimianzo segue, co escultor Suso Fuentes, poñendo en valor aos artistas locais.
• Viki Rivadulla na Sala do Perello: Dos retratos de Antonio Nodar aos autorretratos dos nosos gobernantes.
• De London a Vimianzo co auto-retrato de Antonio Nodar.
• Xurxo Martiño demostra o potencial artístico vimiancés na casa.
• As escolas de Vimianzo comezan o seu programa cultural con Antón Mouzo.

Fonte

• Redacción de QPC ([email protected]).