Domingo. 16.06.2024
El tiempo

O Asalto ao Castelo de Vimianzo, moito máis que un festival

presentacion Asalto Castelo 2023
O patio de armas do Castelo foi o lugar elixido para a presentación desta festividade á que acudiron a alcaldesa, Mónica Rodríguez; a concelleira de Benestar Social, María José Pose; o concelleiro de Protección Civil, Policía Local e Deportes, Mario Andújar; o portavoz da organización do Asalto, Manuel Rial; Marta Gayoso, en representación de AXVALSO; e tamén diferentes hostaleiros.
O Asalto ao Castelo de Vimianzo, moito máis que un festival

Vimianzo deu a coñecer esta mañá todos os detalles da XXVI edición do Asalto ao Castelo, declarada Festa de Interese Turístico de Galicia polo Consello da Xunta de
Galicia. Gastronomía, teatro, espectáculo, deporte e moita música serán os protagonistas deste tradicional e reivindicativo evento que se celebrará do sábado 24 de xuño ao sábado 1 de xullo.

Abríu a presentación Manuel Rial, voceiro das entidades organizadoras Axvalso e Cherinkas, quen incidiu na “natureza diversa e diversificada das actividades, feitas para maiorías e minorías, e no eixo teatral, musical, gastronómico e mesmo deportivo da festa, sen perder de vista a reivindicación dunha revolta histórica traída ao presente”.
De seguido, tomou a palabra a rexedora vimiancesa, quen fixo fincapé no traballo realizado por todas as entidades organizadoras xa que sen eles non sería posible
“celebrar esta festa tan xenuína, tan nosa e tan galega”. Ademais, Rodríguez non só recalcou a importancia desta festividade no presente na que “tanto veciños e
veciñas viven momentos inesquecibles”, senón que tamén puxo sobre a mesa a necesidade de seguir traballando e loitando por un evento “que pasará ás
vindeiras xeracións para manter vivo o lume irmandiño”.
A organización ten preparadas diferentes actividades que darán inicio o sábado 24, aínda que os días grandes serán o venres 30 de xuño e o sábado 1 de xullo.

Cea Medieval

A primeira gran xornada contará coa celebración da máis que coñecida Cea Medieval e para a cal xa non hai entradas. Sen embargo, as portas abriranse a
partir de medianoite para gozar de varias horas de concertos de entrada libre no Castelo de Vimianzo: animación co bufón Dani Blanco e malabares Américo,
queimada con druída e música con Cé Orquestra Pantasma, De Vacas e Monoulious Dop.

O Gran Asalto

Na segunda e derradeira xornada, que ademais é o día grande do Asalto, non faltará o aclamado e divertido Asaltiño ou a Feira Artesanal, con récord de postos
inscritos.
En canto á música, durante a sesión vermú contarán Javi Sampedro e Suso Quinito: Uma Viagem Musicada pela História da Língua Galega, Terra Morena:
Cantar Zeca Afonso e os Cantos de Taberna: Mestura Fol.
Á tarde, Vimianzo vivirá o frenesí musical do Des-concerto de IGMIG, os Gaiteir@s de Buxantes, a Batucada das Curandeiras, Medio Quinhón de Burela, a Batucada
Rapacollón´s Big Band Fisterra e DIDGETOMM & Dance Machine.
Pero, sen dúbida, o prato forte chegará pola noite, concretamente a partir das 22:00 horas, coa actuación estelar do grupo Tanxugueiras. As entradas para este
concerto están dispoñibles en woutick.es.
Despois do concerto, chegará o momento álxido da festa: o propio Asalto ao Castelo cunha representación teatral que, inspirada no espírito irmandiño e
interpretada polo propio público, levará as revoltas aos tempos actuais.
Tomado o castelo, recollerán o testemuño musical os grupos Huntza, Lamatumbá e Festicultores Troupe.

Datas previas

Unha semana antes, o sábado 24 de xuño, dará comezo oficialmente a festa coa celebración da VII Legua Irmandiña e a Ruta á Cruz do Loureiro, prevista para o
domingo 25. 
Ademais, durante a propia semana do Asalto, o Concello de Vimianzo poñerá en marcha obradoiros medievais destinados ao público infantil e, como novidade, tamén se desenvolverá a Tarde-Noite Infantil Meiga. Esta celebrarase o mércores 28 de xuño co obxectivo de achegar as revoltas irmandiñas ás novas xeracións.

XIV Pinchos Irmandiños

Diptico Pinchos Irmandinos Asalto Castelo Vimianzo 2023 1

Coma cada ano, un dos pratos fortes desta festa declarada de Interese Turístico de Galicia serán os Pinchos Irmandiños, que xa van pola súa XIV edición.
De novo, a hostalaría de Vimianzo volve xuntarse para organizar unha das semanas gastronómicas máis importantes e coñecidas da Costa da Morte e que,
este ano, se desenvolverá do martes 27 xuño ao sábado 1 de xullo.
Os pinchos poderán consumirse en horario de 12 a 15 horas e de 19 a 23 horas, de xeito xeral. Quen complete a ruta con 10 selos, número tamén dos locais
participantes, conseguirá diferentes agasallos e entrará no sorteo dun lote de produtos Estrella Galicia en función do peso da persoa gañadora.

Diptico Pinchos Irmandinos Asalto Castelo Vimianzo 2023 2

Cartel ASALTO AO CASTELO_2023

PROGRAMA ASALTO AO CASTELO 2023

SÁBADO 24 DE XUÑO
21:00 | VII Legua irmandiña (Praza do Concello-Castelo)

DOMINGO 25 DE XUÑO
11:00 | Ruta da Lenda da Cruz do Loureiro. Tributos Espectrais á Irmandade Caída. (Praza Castelao-Castelo)
17:00 | Visita Guiada (Castelo)

DE LUNS 26 DE XUÑO...
...A VENRES 30 10:00 a 14:00 | Semana Medieval (Campamento VimiVerán)
DE MARTES 27 DE XUÑO...

...A SÁBADO 1 12:00 a 15:00 e 19:00 a 23:00 | XIV PINCHOS IRMANDIÑOS
...A DOMINGO 2 10:30 a 14:00 e 16:00 a 20:30 | Mostra de Artesanía ao Vivo (Castelo)

MÉRCORES 28 DE XUÑO
19:00 | Tarde-Noite Infantil Meiga (Foso do Castelo)

XOVES 29 DE XUÑO
20:00 | Espazo Artístico Itinerante (Rúa)
20:00 | Des-enterro Irmandiño (Rúa)
23:00 | Aquelarre de ánimas de palleiro para o chamamento á loita (Praza do Concello)

VENRES 30 DE XUÑO
19:00 | Circuíto Musical (Rúa): A. C. Trubisquiña
20:00 | Espazo Artístico Itinerante (Rúa)
20:30 | Ofrenda musical con Medio Quinhón (Foso do Castelo)
21:00 | V Enlace Irmandiño (Foso do Castelo)
21:30 | XII Cea Medieval (Foso do Castelo)
23:30 | Noite Meiga (Foso do Castelo)
23:30 | Portas Abertas:
Bufón Dani Blanco e malabares Américo
Cé Orquestra Pantasma
Queimada (druída Miguel Queiro)
00:30 | Concertos:
De Vacas
Monoulious Dop

SÁBADO 1 DE XULLO
MAÑÁ (PRAZA DO CONCELLO, agás especificacións)
10:00 a 20:30 | XI Feira Artesanal
11:00 a 13:00 | Xogoflexia. Obradoiros Infantís: Cruz Vermella
11:00 | Escultura con Motoserra (inicio): Tallas Yosi
11:10 | Mesa de Presentación e Xogos de Mesa Irmandiños: INCUDE
11:20 | Xadrez: Torneo de Rápidas: INCUDE
12:15 | Torneo de Clash Royale e Fall Guys (por Internet): HERCLE e INCUDE
12:30 | Espazo Artístico Itinerante (Rúa)
12:45 | Javi Sampedro e Suso Quinito: Uma Viagem Musicada pela História da Língua Galega
13:30 | Terra Morena: Cantar Zeca Afonso
14:00 | Cantos de Taberna: Mestura Fol (Rúa)

TARDE (PRAZA DO CONCELLO, agás especificacións)
16:00 | Torneo Internacional de Xadrez (por Internet): INCUDE
16:00 | Aturuxos Irmandiños: Arenga Musical con Medio Quinhón
16:30 a 17:40 | ASALTIÑO
16:30 | Irrupción da Hoste dos Moscoso
16:45 | Concentración de Tropa (Praza Castelao)
17:00 | Ataque ao Castelo (Foso do Castelo)
17:30 | Viaxe no Tempo. Historia Dramatizada do Castelo (Patio de Armas do Castelo)
18:00 | Escultura con Motoserra (fin): Tallas Yosi
18:15 | Corte de Tronco de Aizkolari: Tallas Yosi
19:00 | VII Irmandade Parroquial
19:45 | Pregón + Izado da Bandeira Irmandiña
20:00 | Des-Concerto: Igmig
20:10 | Circuíto Musical (Rúa): Gaiteir@s de Buxantes, Batucada As Curandeiras, Medio Quinhón e Batucada Rapacollón´s Big Band Fisterra
21:00 | Música con Marcos: DIDGETOMM & Dance Machine (Vázquez Mouzo)

NOITE (ZONA DE CONCERTOS)
21:00 | CEA
22:00 | Tanxugueiras
23:30 | ASALTO AO CASTELO
01:00 | Huntza
02:30 | Lamatumbá
04:00 | Festicultores

DOMINGO 2 DE XULLO

11:00 | Visita Guiada (Castelo)
12:30 + 17:00 | Visita Teatralizada: Quinquilláns (Castelo)
13:30 | Sesión Vermú: Medio Quinhón (Praza

Comentarios