O vindeiro xoves día 10 de agosto abrirá o Punto Limpo do Concello de Vimianzo, situado no Parque Empresarial de Vimianzo. Será este o primeiro paso dun plan de xestión de residuos que permita, por unha banda reducir os importantes custos destinados ao tratamento do lixo, e por outra, contribúa ao coidado do Medio Ambiente fomentando a reciclaxe e evitando os vertedoiros incontrolados.

Aquelas persoas que teñan que reciclar algún residuo voluminoso pero que, debido ao seu volume ou peso, non o poidan trasladar ao Punto Limpo, terán un servizo de recollida a domicilio unha vez ao mes. Este servizo será o de Punto Limpo Móbil, e tamén será de balde.

Para incentivar o uso do Punto Limpo, premiarase a entrega de residuos no mesmo a través de distintos agasallos ppr medio dun sorteo.

Clausura do Campus deportivo VTM

Rematou o Campus deportivo VTM organizado pola xente do tenis de mesa soneirán. Participaron un total de 25 rapazas e rapaces. Durante a semana que durou este campus as e os participantes desenvolveron actividades relacionadas co fútbol sala, o tenis de mesa e os deportes de praia. Na clausura estivo presente Ignacio Cabezas, xogador profesional de tenis de mesa orixinario de Chile que acaba de fichar por un equipo galego.

Fonte

• Vimianzo.