Polémico o caso da contratación do xestor do ximnasio municipal, estreado o pasado mes de marzo. Dende o grupo de IxV denuncian que se trata dun "escándalo", pois das 3 empresas que se presentaron ao concurso, dúas eran inexistentes. Hoxe o grupo de goberno do BNG vimiancés quere defenderse apuntando que "prorrogamos na práctica, mediante un contrato de catro meses e medio, a continuidade da xestión do ximnasio municipal a través dun contrato menor adxudicado á empresa Viraxes, que se fixo cargo destas instalacións desde a súa apertura, durante a etapa do antigo alcalde". E de paso denuncian que o contrato é agora 4.200€ máis barato que o anterior para as arcas do Concello.

Nos vindeiros días publicarase o prego de condicións que rexerá esta licitación, evitando así o peche das instalacións. “Ben puido facer o anterior alcalde unha contratación axeitada para a xestión do ximnasio e non atoparnos nós con este marrón”, di Manuel Antelo. O alcalde explica o proceso de contratación:

“Para adxudicar o contrato menor, de catro meses e medio de duración por un prezo de 14.310,81€, podiamolo facer directamente sen necesidade de pedir varios orzamentos na busca de mellores condicións, mais optamos por pedir tres orzamentos aforrando máis de 4.000,€ con respecto ao anterior contrato. As empresas invitadas foron Viraxes, Gestafis e Vital Fitness, que nos achegaron os orzamentos que ofrecían”.
E destaca que "o concello de Vimianzo solicitou os orzamentos con empresas competentes para a xestión do servizo do ximnasio e non temos nada que esconder. Os representantes das empresas non adxudicatarias ratifican por escrito o bo proceder do concello en todo momento".

Novas relacionadas

• 15-03-2011: Vimianzo estrea Xinmasio ao carón do campo de fútbol.
• A tensión no pleno vimiancés sobe coas duras críticas de IxVim.
• O Alcalde de Vimianzo amosa as facturas.
• O alcalde de Vimianzo renunciou ao posto do Consello da CRTVG.
• IxVimianzo indígnase coa xestión e o cinismo do alcalde.
• IxVimianzo clarexa a súa postura sobre a sentencia da Casa da Cultura e pide austeridade.
• IxVimianzo denuncia que Antelo comeza “enchufando” á número 5 da súa lista.

Fonte

• Notas de prensa do Grupo de Goberno do BNG de Vimianzo e do Concello vimiancés.