O Proxecto de Cereixo Porto Xacobeo xa naceu coa política como bandeira. A posta en marcha do proxecto non contou con todas as forzas políticas do Concello pero dende a Xunta, co apoio do PP local, seguen adiante cunha idea que, en principio, debe ser positiva para todos. Os trámites do PP local e Portos de Galicia seguen en marcha. A líder popular de Vimianzo, Carmen Borbujo reuniuse o luns co presidente de Portos, José M. Álvarez-Campana para coñecer o proxecto de desenvolvemento do porto de Cereixo. Para Borbujo, a posta en valor dunha das zonas con máis historia de Vimianzo, significa un paso en firme en dirección ao progreso municipal.

Cereixo - Porto Xacobeo

• A iniciativa consistirá na construción dun peirao de atracada situada á beira do abranda das mareas.
• Tamén se construirá un paseo flotante desde o muíño ata a "Areeira". Neste punto construiranse pantaláns e un club de piragüismo.
• O paseo continuará o seu curso bordeando o estaleiro. A actuación contará cun investimento valorado en 2.800.000 euros aproximadamente

Presentación oficial

Para coñecer os detalles do proxecto o presidente de Portos de Galicia, José M. Álvarez Campana e a portavoz popular Carmen Borbujo, presentarán o vindeiro venres 11 de marzo ás 11:30h a iniciativa. A rolda de prensa realizarase no local adxunto á igrexa de Cereixo.

Novas relacionadas

• O BNG vimiancés denuncia que a declaración pantasma de Cereixo como Porto Xacobeo é para aprobar o POL.
• O presidente de Portos nomea provisionalmente a Cereixo Porto Xacobeo a petición do PP local.

Fonte

• Nota de prensa do PP.