Outra xornada especial relacionada co Fútbol da Costa tivo lugar esta mañá de luns en Santa Comba. O Pazo, como se lle coñece ao Museo Terra do Xallas, acollía a simbólica entrega do material deportivo para os nenos das familias con menos recursos, mercados cos cartos recadados no Partido Solidarioda Selección da Costa co Coruxo, organizado o diario dixital Quepasanacosta, ca colaboración da Cruz Vermella, Ferroatlántica e os Servizos Sociais do Concello de Santa Comba.

Despois da entrega da roupa para as familias de Vimianzo, Alberto Pose, en representación de QPC, facía entrega á alcaldesa xalleira María Pose, ademais responsable dos Servizos Sociais antes de tomar o bastón de mando municipal.

Máis de 50 rapaces do termo municipal xalleiro poderán lucir novos chándales este 2015.

E tamén lucirán uns moi especiais. Á entrega tamén acodiron Esteban Blanco (actual adestrador do Castriz) e Perfecto, antigos directivos do finado Santa Comba CF. I é que coñecendo a iniciativa, lembraron que quedaban unha vintena de chándales do equipo laranxa sen estrear, polo que decidiron doalos para a causa.

Obxectivos cumpridos

Pechamos así dende QPC uns meses moi especiais, con esta entrega, coa que intentamos dúas cousas: darlle continuidade ao Combinado da Costa que saía das votacións do curso pasado, e ademais facer un acto solidario coma este, para poñer o noso grao de area na mellora das condicións de vida das familias con menos recursos da volta.

Lamentamos a falta de atención de varios medios de comunicación ante un acto solidario coma este, que ademais engloba a todo o fútbol costeiro. Agradecemos aos Radio Galega e o seu Galicia en Goles, así como ás Radio Nordés e Cadena Ser Coruña por ternos chamado e interesado polo proxecto, e valoramos o desinterese doutros medios que se consideran aglutinadores como un desentendemento do que acontece no noso fútbol, tendo ademais a consideración dun evento solidario.

”Seguimores armando actividades e actividades”, como asegura Alberto Pose.

Novas relacionadas

• A Noite máis Solidaria do Fútbol da Costa.
• Máis de 50 nenos da Costa da Morte xa teñen a súa roupa deportiva.

Fonte

• Redacción de QPC (info@quepasanacosta.gal).