Venres. 05.06.2020
El tiempo

Rexeitados os orzamentos do Concello de Vimianzo

Rexeitados os orzamentos do Concello de Vimianzo

Esta mañá de martes 18 de outubro de 2011 celebrábas eun pleno importante no Concello de Vimianzo. Un pleno no que o grupo de Goberno presentaba os orzamentos deste 2011, e que finalmente foron rexeitados tralos votos en contra de todos os grupos da oposición, incluidos os do PSOE. Concretamente votaron en contra 3 edís do PSOE, 3 de IxV e 2 do PP, porque a Borbujo non acodiu ao pleno por motivos persoais

Ademais de consideralos "apresurados", a oposición criticou un par de puntos que veñen saíndo na prensa nestes primeiros meses de lexislatura, como é a contratación da secretaria da alcaldía. Os recortes en servizos sociais ou a subida de soldos para uns traballadores e para outros non foron outras das causas do voto en contra do PSOE.
Pero a cuestión máis importante que prantexa o compañeiro no goberno vimiancés para rexeitar os orzamentos é que o BNG non cumpriu co pacto de goberno. O edil socialista Roque destaca que "non se consensuaron con nós cando pactamos con eles que os orzamentos serían feitos nun 60-40%".

Para o alcalde foi "sorprendente que os Independientes voten en contra do crédito para a Casa da Cultura nin que co que PSOE se sumase á oposición dunha maneira tan rotunda, cando podían ter falado con nós durante estes días".

O alcalde Manuel Antelo remataba a sesión anunciando que este mesmo venres 21, ás 21:00h, vai presentar unha Cuestión de Confianza sobre os orzamentos. Deste xeito, volveranse votar e se saen novos apoios os orzamentos serán aprobados; pero se a votación volve saír en contra, a oposición tería que presentar unha moción de censura no prazo de un mes, e de non facelo, os orzamentos serán aprobados automaticamente. Unha moción de censura que non se ve tan decabellada dende os arredors do Concello vimiancés.

Lamentan dende o PSOE que "de aquí ao venres o presuposto non se pode modificar, pero se queren falar, falaremos". De todos modos, dende o PSOE indican que "en concellos da zona estamos a ter os mesmos problemas co BNG, que vai ao seu, como en Carnota ou Corcubión".

Novas relacionadas

Fonte

comentarios