Xoves. 20.06.2024
El tiempo

Todas as forzas políticas de Vimianzo aproban unha moción para pedirlle á Xunta que sufrague integramente os gastos do SAF

traballadoras do SAF en Vimianzo
Imaxe dunha concentración das traballadoras do SAF en Vimianzo
Todas as forzas políticas de Vimianzo aproban unha moción para pedirlle á Xunta que sufrague integramente os gastos do SAF

Todos os Concellos saben o custe do Servizo de Axuda no Fogar. De feito, son en varios onde nos últimos anos houbo problemas coas empresas concesionarias, por mor da subida de prezos, e o mantemento dos contratos municipais. 

Para a meirande parte dos Concellos, o SAF debería ser asumido integramente pola Xunta, pero esta só sufraga unha parte. A día de hoxe, o custe deste servizo sitúase entre os 22 e 24 euros, dos que o ente autonómico achega 12 euros, facendo fronte os concellos, con fondos propios, á cantidade restante, cando o financiamento é competencia única da Xunta. 

Así o entende Vimianzo, onde o pleno aprobou esta mañá de mércores unha moción presentada polo Grupo Municipal do PSdeG-PSOE para que o Concello inste á Xunta a asumir os gastos deste necesario e demandado Servizo.

A moción contou co apoio de todas as forzas, instar ao Estado e, sobre todo á Xunta, a asumir o custo do SAF e da redución do copagamento provocado pola entrada en vigor da Lei 10/2023 e aumentar o financiamento autonómico e estatal do SAF, co obxectivo, precisamente, de evitar que sexan os concellos os que asuman directamente este custo.

Comentarios