Un home duns 45 anos tivo que se excarcelado polos bombeiros de Cee tras sufrir un forte accidente na estrada que une Berdoias e Baíñas, concretamente na parroquia de Berdoias, preto de Boudañeira, no termo municipal de Vimianzo.

O vehículo caía por un terraplén e non era fácil velo dende a estrada. Foi un camioneiro o que o avistou e, arredor das 8:00h avisaba ao 112, que mobilizou aos Bombeiros de Cee, á Garda Civil de Tráfico, ao Grumir de Vimianzo e mais ás Urxencias Médicas.

O ferido, do que non se sabe canto tempo pasou atrapado no vehículo, xa foi trasladado por Urxencias Médicas ao hospital.

Novas relacionadas

• Detidos un vimiancés e un coristanqués como supostos autores do roubo na Xoeiría de Muxía.
• 440 quilos de centola, nécora e polvo incautados.

Fonte

• Redacción de QPC (info@quepasanacosta.gal).