Parece claro que os libros de texto son un gasto moi serio ao que se teñen que enfrontar as familias dende non hai moito. Así o comprobamos unha vez que a gran cantidade de solicitudes recibidas no Concello de Vimianzo para as Axudas Escolares aprobadas o pasado mes de novembro, fixeron que a partida orzamentaria destinada non alcanzase a todas as familias que cumpren os requisitos para beneficiarse das axudas. Unha nova razón para poñernos a remar por un referendum pola reutilización e gratuidade dos libros, como pide a Federación de Anpas da Costa da Morte.

I é que a partida orzamentaria aprobada no Concello de Vimianzo é de 14.000 euros ,destinada á conceder axudas para o curso escolar 2012- 2013 para axudar as familias con menos ingresos económicos. Un total de 147 axudas concedidas que serán ingresadas no día de hoxe, cada neno recibirá 100, 80, ou 60,€ dependendo dos ingresos dos membros da unidade familiar.

Así, e ante a abalancha de peticións, o alcalde de Vimianzo decidiu destinar o importe da súa paga extra de Nadal ás axudas concedidas á aqueles solicitantes que quedaron fóra por falta de crédito. Manuel Antelo entregará hoxe o importe das 20 axudas pendentes no Salón de plenos, cumprindo deste xeito o total das solicitudes que se axustan aos requisitos que se establecían nas bases para seren beneficiarios das axudas.

Novas relacionadas

• A Fedanpa convoca unha concentración polo Ensino Público na capital de Bergantiños.
• As ANPAs propoñen un referendum pola reutilización e gratuidade dos libros.
• Vimianzo xa pensa no seu gran luns de Entroido.
• Vimianzo é o primeiro concello da Costa da Morte en contar con sede electrónica.

Fonte

• Concello de Vimianzo.