Antelo en Irlanda do Norte no European Rural Network for Job Mobility en Newry and Mourne O alcalde do Concello de Vimianzo - Manuel Antelo - e a concelleira de Benestar Social, Igualdade e Ensino - María Xosé Ramos - participan esta semana nunhas xornadas de traballo do proxecto European Rural Network for Job Mobility (ERN4mob) que se desenvolverán en Newry, Mourne and Down District Council, en Irlanda do Norte. O Proxecto ERN4mob está promovido no marco do programa Europa cos Cidadáns 2014-2020 que ten como obxectivo principal conectar as persoas de diferentes países da Unión Europea e máis alá da Unión que viven conxuntamente nas mesmas comunidades locais, para sensibilizar acerca dos seus valores e necesidades comúns, así como para promover o empoderamento das súas diferenzas sociais e multiculturais, a través da creación dunha rede de municipios rurais europeos para a mobilidade laboral que funcione a favor da integración social e laboral da cidadanía, co fin de lograr un crecemento intelixente, sustentable e integrador da Europa rural. O concello de Vimianzo lidera o proxecto ERN4mob, no que, ademais de Vimianzo, participan o concello de Kostrzyn nad Odra (Polonia), a comunidade intermunicipal do Alto Alentejo (Portugal), a organización supramunicipal Newry, Mourne and Down (Irlanda do Norte-Reino Unido), a Comune di Petrosino (Sicilia-Italia) e o concello de Zemplínske Hámre (Eslovaquia). A semana pasada celebrouse en Vimianzo un encontro no que participaron un grupo de emigrantes Durante o ano 2016 desenvolvéronse xuntanzas en Vimianzo, Polonia e Portugal e péchase o ano coa xuntanza de Irlanda do Norte. Durante 2017 desenvolveranse xuntanzas en Sicilia e Eslováquia e un congreso final en Vimianzo. Nesta xuntanza trataránse, de maneira concreta, as fórmulas para integrar aos inmigrantes nas comunidades locais e ás consecuencias que o Brexit poida ter para a mobilidade das persoas. Tertulia Precisamente a semana pasada celebrouse no salón de plenos do concello de Vimianzo unha tertulia na que se expuxeron distintas experiencias vividas en diferentes países por un grupo de persoas do municipio que emigraron na procura de traballo. O alcalde, Manuel Antelo, participou no encontro.

Novas relacionadas

• 22-09-16: Vimianzo participa nun encontro internacional sobre a mobilidade laboral que se celebra en Portugal
• 18-05-16: Vimianzo estreita lazos laborais en Polonia
• 18-03-16: As administracións potenciarán o emprego no rural coa formación e a inclusión social.
• A emigración e a inmigración exponse a debate en Vimianzo
• Vimianzo acolle un encontro internacional sobre a Mobilidade Laboral
• A Rede Europea para a Mobilidade Laboral para en Vimianzo
• Camariñas importa e exporta dende Italia sabedoría na produción local.
• O concello de Vimianzo abre o prazo para inscribirse proxecto Youth acting in Rural Europe.

Fonte

• Redacción QPC ([email protected])
• Concello de Vimianzo